बागलुङ -    जिल्ला प्रहरी कार्यालय बागलुङले लागु औषध (गाँजाको धुलो) सहित दुई युवा पक्राउ गरेको छ । आईतबार साढे १ बजेको समयमा बागलुङ नगरपालिका–२ मा रहेको बेष्टवान रेष्टुरेण्टबाट ३९० ग्राम गाँजाको धुलो सहित दुई युवा पक्राउ गरेको जिल्ला प्रहरी कार्यालय बागलुङका प्रवक्ता प्रहरी नायब उपरिक्षक इन्द्र बहादुर रानाले जानकारी दिए ।  
पक्राउ पर्नेमा चितवनको खैरहनी नगरपालिका–६ घर भै बागलुङ नगरपालिका २ बस्ने २३ बर्षका समिर अन्सारी र काठेखोला गाउँपालिका–४ तंग्रामका २२ बर्षिय राजु थापा रहेका छन । 
दुवै युवाले लागु औषध कारोबार गर्दै गरेको भन्ने विशेष सुराकीका आधारमा प्रहरीले पक्राउ गरेको बताएको छ । गाँजा सहित पक्राउ परेका युवाहरुमा साथमा रहेको अन्य सामाग्री पनि वरामद गरी थप अनुसन्धानका लागि जिल्ला प्रहरी कार्यालयमा ल्याईएको डिएपी रानाले बताए ।