पोखरा- नेपाली काँग्रेस गण्डकी प्रदेश कार्यसमितिको कोषाध्यक्षमा बागलुङका बसन्त कुमार श्रेष्ठ चयन भएका छन । यस अघि गण्डकी प्रदेश कार्यसमिति सदस्य रहेका श्रेष्ठलाई मंगलबार बसेको गण्डकी प्रदेश समितिको बैठकले सर्वसम्मत रुपमा चयन गरेको हो । काँग्रेसको विधानमा निर्वाचित सदस्यबाट कोषाध्यक्ष मनोनित गर्ने व्यवस्था छ  । सोही व्यवस्था अनुसार सभापति शुक्रराज शर्माले श्रेष्ठलाई कोषाध्यक्षमा मानोनित गरेका हुन । पार्टीको आन्तरिक व्यवस्थापनका लागि विधान तह कोषाध्यक्ष मनोनित गर्नुपर्ने भएकाले बैठकमा सर्वसम्मत रूपमा श्रेष्ठलाई कोषाध्यक्षमा मनोनित गर्ने निर्णय गरिएको सभापति शर्माले बताए । 
बागलुङ क्षेत्र नं. १ बाट महाधिवेशन प्रतिनिधि भएका श्रेष्ठ विद्यार्थी राजनिति देखी नै काँग्रेसको राजनितिमा सक्रिय छन । उनि धौलागिरी बहुमुखी क्याम्पसको स्ववियु सभापति हुँदै नेविसंघको केन्द्रीय सदस्य भएका थिए । श्रेष्ठ १३ औं महाधिवेशनमा नेपाली काँग्रेस बागलुङको जिल्ला सदस्य भएका थिए । उनी गत स्थानिय तहको निर्वाचनमा बागलुङ नगरपालिकाको नगर प्रमुखमा झिनो मतान्तरले पराजित भएका थिए । बागलुङ उद्योग बाणिज्य संघको अध्यक्ष हुँदै विभिन्न सामाजिक संस्थामा समेत क्रियाशिल श्रेष्ठ युवा माझ पर्खर बत्ताको रुपमा परिचित छन । बागलुङका सफल व्यवसायी श्रेष्ठ प्रदेश समितिको संस्थापन पक्षकै नेता हुन । कोषाध्यक्षमा मनोनित भए सँगै श्रेष्ठले गण्डकी प्रदेशकै ११ जिल्लाको समन्वयमा पार्टीको संस्थागत विकासका लागि आफुले काम गर्ने बताए ।