बागलुङ- बागलुङ जिल्ला टेबुल टेनिस संघको अध्यक्षमा प्रकाश पौडेल चयन भएका छन ।  लामो समय देखी टेबुल टेनिस र ब्याडमिन्टन सक्रिय खेलाडी पौडेलको अध्यक्षतमा पाँच सदस्यीय नयाँ कार्यसमिति गठन भएको हो । 
    नेपाल टेबुल टेनिस संघ केन्द्रीय कार्यालयको परिपत्र अनुसार पौडेलको अध्यक्षतामा नयाँ समिति गठन गरिएको हो । संघको उपाध्यक्षमा एलरिन थापा, सचिवमा राजु खत्री, कोषाध्यक्षमा इन्द्राकुमारी खत्री, सदस्यमा सुरज शाक्य रहेका छन । संघको सल्लाहकार राजेन्द्र प्रसाद शाक्यलाई चयन गरिएको संघका नवनिर्वाचित अध्यक्ष पौडेलले जानकारी दिए । 
संघले बाँकी सदस्य आगामी बैठकबाट मनोनित गर्ने जनाएको छ । संघको गठन सँगै जिल्ला खेलकुद विकास सँग सल्लाह र समन्वय गरी आगामी दिनमा बागलुङमा टेबुल टेनिस खेलको विकास गर्नुका साथै प्रतियोगिताका कार्यक्रम संचालन गरिने अध्यक्ष पौडेलले बताए । उनले पछिल्लो समयमा टेबुल टेनिस प्रति खेलाडीको आर्कषण घट्दै गएका कारण बागलुङमा यसको विकासमा आफुहरु निरन्तर लाग्ने जानकारी दिए ।