बागलुङ - शनिबार चैटाष्टमी पर्व अर्थात चैते दशैं । देशकै ऐतिहासिक शक्तिपिठ बागलुङ कालिका भगवती मन्दिरमा बिहानैबाट दर्शनार्थीको घुइँचो लागेको छ ।
चैते दशैंको अवसरमा बागलुङ कालिका भगवती मन्दिरमा पूजा अर्चना गर्नाले मनोकामना पूरा हुने विश्वासका साथ हिन्दु धर्मावलम्बीहरु बिहान ४ बजेबाटै मन्दिरमा पुगेका छन् ।
देशकै मुख्य शक्तिपिठको रुपमा रहेको बागलुङ कालिका मन्दिर दर्शन गर्दा मनले आँटेका सबै कुरा पूरा हुन्छ भन्ने विश्वासका साथ रात्रीवसको यात्रा गरेर विहानै कालिका मन्दिरको दर्शनका लागि पुगेकी चितवनकी स्वरुपा तिवारी बताउँछिन । बागलुङ कािलका मुक्तिनाथ जाने गेटको रुपमा रहेको हुँदा मुत्तिनाथ जाने धार्मिक पर्यटक अनिवार्य कालिका मन्दिर पुगेर दर्शन गर्ने गर्दछन । तिवारी सँगै आएका ३२ जना विहानै मन्दिरमा पुजा आजा गरे मुत्तिनाथको यात्रामा लागेका छन । शनिबार चैते दशैको दिनमा अन्य दिन भन्दा बढि नै दर्शनार्थीको भिड हुने गर्दछन । ‘ कािलका भगतवीको विशेष शक्ति छ । त्यसले गर्दा सबै मनले आँटेका कुराहरु पुग्छन् भन्ने विश्वासले हामी आएका हौं, तिवारीले भनिन्–‘कालिका सँगै बागलुङमा रहेको शालिग्राम संग्राहलय, पञ्चकोट र म्याग्दीको गलेश्वर हुँदै मुत्तिनाथ दर्शनका लागि पुग्ने छौं । यहाँ आउँदा मनमा शान्ति कायम भएको छ । उनले मन्दिर आएर भगवानको पूजा आराधना गर्दा शान्तिको अनुभूति हुने हुँदा अहिले सम्म चार पटक कालिका मन्दिरको दर्शनका लाग आफु आएको बताईन । हाम्रो धार्मिक र सांस्कृतिक परम्परा अनुसार भवगती देवीलाई शक्तिको रुपमा पुज्ने चलन रहेका कारण यहाँ दैनिक पुजा गर्न दर्शनार्थीको भिड लाग्ने गरेको छ । 
चैत दशैंका सन्दर्भ पारेर बागलुङ कालिका गुठी भगवती व्यवस्थापन समिति बागलुङले चैत्राष्टमी मेला तथा धार्मिक सम्मेलन समेत आयोजना गरेको छ । चैत्र २० गते देखी आयोजित मेला स्थानिय उत्पादको विक्रि वितरण तथा वस्तु विनीमयको केन्द्र पनि बनेको छ ।  बागलुङमा उत्पादन भएका कृषि तथा हस्तकलाका सामग्रीहरु मेलामा विक्रिका लागि राखिएको छ । 
चैते दशैं मेला बागलुङको मुख्य पहिचानको अवसर पनि हो । यो बेला बागलुङ कालिका मन्दिरमा पूजाआजा गर्नका लागि देश विदेशबाट श्रद्धालु भक्तजनहरु आउने गरेको बागलुङ कालिका भगवती गुठी व्यवस्थापन समिति बागलुङका अध्यक्ष कुमार खड्काले बताए ।
हामी हरेक वर्ष चैत्राष्टमीको अवसरमा मेलाको आयोजना गर्ने गछौं । अन्य समय भन्दा यो समयमा मन्दिरमा दर्शन गर्न आउने दर्शनार्थी पनि धेरै हुन्छन, अध्यक्ष खड्काले भने,–‘ मेलाको अवसरमा राष्ट्रिय लोकदोहोरी प्रतियोगिता, कालिका कप पालिका स्तरीय पुरुष भलिबल प्रतियोगिता र महिला भलिबल प्रतियोगिता छेलो प्रतियोगिताको पनि आयोजना गरेका छौं, मेला हेर्न टाढा टाढाबाट आउने गर्दछन । 
मेलामा अवसरमा घरेलु तथा हस्तकलाका सामग्रीसंगै फेन्सी तथा होटल रेष्टुरेन्टका स्टलहरु पनि राखिएका छन् ।  खडका अनुसार १० लाख बढी पर्यटक यो चैत्राष्टीम मेला अवधिभर आउने विश्वास गरिएको छ । विक्रम संवत १५९१ सालमा पर्वते राजा प्रतापीनारायण मल्ले पाल्पाली राजा मनिमुकुन्द सेनकी छोरीसंग विवाह गरेपछि राजकुमारीले दाइजो स्वरुप ल्याएकी माझकी देवीको मूर्ति बागलुङमा ल्याएर बिसाएपछि पुनः बोक्न खोज्दा उठाउन नसकेपछि यही मन्दिरको स्थापना गरिएको किम्बदन्ती छ ।

राजकुमारीको प्रिय देवीलाई यही छाड्नु परेपछि राजाले रानीलाई खुसी पार्न हरेक चैते दशैंमा मेला गर्ने परम्पराको थालनी गरेको बताइन्छ । बागलुङ कालिका मन्दिर अहिले बागलुङको प्रमुख पर्यटकीय गन्तव्यको रुपमा विकास भएको छ।
धार्मिक आस्थाका मात्र नभएर घुम्न आउनेहरु पनि बागलुङ कालिका मन्दिर आउने गरेका छन् । बागलुङ कालिका मन्दिर, लामो झोलुङ्गे पुल, पञ्चकोट र शालिग्राम संग्रहालयलाई प्याकेजको रुपमा नै यहाँ घुम्न आउने गरेको बागलुङ नगरपालिकाका नगरप्रमुख बसन्त कुमार श्रेष्ठ बताउँछन । कालिका मन्दिरमा आउने धार्मिक पर्यटकले यहाँको व्यवसायमा समेट थप टेवा पु¥याएको बताए । 
तश्विर कालिका मन्दिरमा दर्शनार्थीको भिड