बागलुङ- तमानखोला गाउँपालिका अध्यक्षमा नेपाली काँग्रेसका जोकलाल बुढा मगर र उपाध्यक्षमा हिरा कुमारी छन्त्याल विजयी भएका छन् । जोकलाल बुढा मगर दोस्रो कार्यकालको लागि निर्वाचित भएका हुन् । बुढाले २ हजार ७०७ मत ल्याएर विजयी भएका छन भने उनका निकटम प्रतिस्पर्धी नेकपा माओबादी केन्द्रका देवबहादुर पुनले १ हजार ९९५ मत प्राप्त गरेका छन । त्यसैगरी उपाध्यक्षमा छन्त्यालले २ हजार ७ सय ६८ मत नेकपा माओबादी केन्द्रका  निसु रसाईलीलाई पराजय गराएकी छन । रसाईलीले १ हजार ९५८ मत प्राप्त गरेकी छन । जिल्लामा अन्य स्थानिय तहमा काँग्रेस माओबादीको गठबन्धन भए पनि त्यहाँ हुन सकेको थिएन ।