बागलुङ- जिल्लाको ढोरपाटन नगरपालिका–६ का वडा अध्यक्ष जिवन कुमार पुन नेकपा एमालेमा प्रवेश गरेका छन । गत स्थानिय तहको निर्वाचनमा नेपाली काँग्रेसबाट निर्वाचित अध्यक्ष पुन मंगलबार नेकपा एमालेमा प्रवेश गरेका हुन । 
नेकपा एमाले ढोरपाटन नगरपालिकाले आयोजना गरेको नगरभेलामा पुनले आफु काँग्रेसको सदस्यता त्यागेर नेकपा एमालेको सदस्यता लिएको बताएका छन । उनले काँग्रेसबाट निर्वाचित भएर पाँच वर्ष जनताको सेवामा सर्मपित भएको र अब नेकपा एमाले रहे पुन जनताको सेवा गर्ने बताएका छन । पुनलाई नेकपा एमाले गण्डकी प्रदेश सदस्य तथा ढोरपाटन नगरपालिकाका नगरप्रमुख देवकुमार नेपाली लगायतका नेताहरुले एमालेमा स्वागत गरेका छन । आगामी स्थानिय तहको निर्वाचन नजिकिँदै गर्दा ढोरपाटन नगरपालिकामा रहेका विभिन्न ६ दलीय गठवन्धन थप सक्रिय बनाएका छन भने नेकपा एमालेलाई अहिले एक्लाएका छन ।  एमाले एक्लिए पनि नगरप्रमुख नेपालीको प्रभावमा विभिन्न पार्टी त्यागेर नेकपा एमालेमा प्रवेश गर्ने गरेको स्थानिय नेता बताउँछन । केही दिन अगाडी पनि राजमोबाट निर्वाचिन वडा अध्यक्ष नै नेकपा एमालेमा प्रवेश गरेका थिए ।  
वडा अध्यक्ष जिवन कुमार पुनले एमालेमा प्रवेश गरेपछिको भाषण ः भिडियो सामाजिक सञ्जाल ।