बागलुङको जैमिनी नगरपालिका वडा नम्बर २ मा रहेको ठेउले खोलाको किनारमा एक व्यक्ति मृत अवश्थामा फेला परेका छन् । जैमिनी नगरपालिका वडा नम्बर ४ सिस्नेराका ४५ वर्षीय दल बिर सार्की मृत फेला परेका जिल्ला प्रहरी कार्यालय बागलुङका सूचना अधिकारी ईकवाल हवारीले जानकारी दिए । थप अनुसन्धान भैरहेको हवारीले जानकारी दिए । 

जिल्लाको ढोरपाटन नगरपालिकामा भूझि खोलाले बगाउदा एक बालक बेपत्ता भएका छन् । बेपत्ता हुनेमा ढोरपाटन नगरपालिका वडा नम्बर ७ का धाराबोटका ९ वर्षीय जिबन बि.क रहेको जिल्ला प्रहरी कार्यालय बागलुङले जानकारी दिएको छ । साथीहरु संग खोलामा पौडी खेल्न गएकोमा सोही खोलाले बगाएको प्रहरीले जानकारी दिएको छ । बेपत्ता बालकको खोजी कार्य जारी रहेको छ ।