राष्ट्रपति रनिङ शिल्ड चिल्ड्रेन लाइफलाई 

  • फाल्गुण २, २०८१

बागलुङ- बागलुङ नगरपालिकाले संचालन गरेको सातौ राष्ट्रपति रनिङ शिल्ड खेलकुद प्रतियोगिताको शिल्ड चिल्ड्रेन लाइफ बोर्डिङले उचालेको छ । चिल्ड्रेनले सबैभन्दा बढी १५ स्वर्ण पदक सहित शिल्ड हाता पारेको हो । 
अमर आदर्श माबिले ११ स्वर्ण पदक सहित दोश्रो स्थान पाएको छ । पहिलो र दोस्रो स्थान ओगटेका निजी विद्यालयलाई पछाउँदै  जिल्लाकै नमुना सामुदायिक विद्यालय गणेश माबिले १० स्वर्ण सहित तेस्रो स्थान पाएको छ । कुल ५६ स्वर्ण र ५६ रजत पदककालागि भएको खेलमा नगर भित्रका तीन दर्जन बिद्यालयले भाग लिएका थिए । बिहिवार भएको फाइनल खेलमा चिल्ड्रेनले मार्सल आर्ट तर्फ सबैभन्दा धेरै पदक पाएको हो । सबैभन्दा आर्कषक मानिने छात्रहरुको भलिवल तर्फ भने बिद्यामन्दिर माबि बिजयी भएको छ ।
बिहिवार भएको फाइनल खेलमा बिद्यामन्दिरले धवलागिरि बिरेन्द्र माबिलाई २५–११, २५–२०, १९–२५ र १५–११ को सेटमा पराजित गरेको हो । पहिलो दुइ खेल लगातार हारेर स्तब्ध भएको धविमाबिले दोश्रो खेलमा बिद्यामन्दिरलाई उछिन्यो । सयौं दर्शकमाझ भएको खेलमा तेस्रो खेलले दर्शक र खेलाडीमा नयाँ जोश थप्यो । चौथो खेलमा बिद्यामन्दिरले १५ अंक ल्याउँदा धविमाबि ११ अंकबाट अघि बढ्न नसकेपछि खेल सकियो ।
बेस्टअफ ५ मा खेलाइएको खेल तीनवटा सेट जितेकोले बिद्यामन्दिरको पक्षमा गएको रेफ्रिले संकेत गरे । राष्ट्रपति रनिङ शिल्डमा दर्जनबढी खेल भएर पनि छात्र तर्फको भलिबललाई बिशेष खेलको रुपमा हेरिन्छ । खेल जितेपछि बिद्यामन्दिरका समर्थक र बिद्यार्थीले खुसीयाली मनाएका थिए । फाइन प्रवेशकालािग धावि माबिले चिल्ड्रेन लाइफ र बिद्यामन्दिरले सिगाना माबि लामिचौरलाई पराजित गरेका थिए । तेस्रो खेलकालागि चिल्ड्रेनले सिगानालाई २५–२० र २५–२३ को सेटमा पराजित ग¥यो ।
बिहिवारै भएको छात्रा तर्फको भलिबल धवलागिरि बिरेन्द्र माबिले जितेको छ भने कबड्डी तर्फ छात्र र छात्रा दुवै कालीका कन्या माबिले जितेको छ । १ हजार ५ सय र ३ हजार मीटर दौड समेत यो पटक चिल्ड्रेनलाइफले जित्यो । छोटो दुरीका दौडमा भने गणेश माबि अब्बल देखियो । रिले प्रकारका १ सय मीटर देखि ४ सय मीटर सम्मका अधिकांस दौडमा छात्रछात्रा दुवैतर्फ गणेशमाबिका बिद्यार्थीले जित निकालेका थिए । बिजयी खेलाडीलाई नगर प्रमुख बसन्तकुमार श्रेष्ठले पुरस्कार बितरण गरे ।

प्रतिक्रिया