बागलुङ नगरपालिकामा झण्डै ६४ प्रतिशत मत खसेको छ । शुक्रबार विहान ७ बजे देखी भएको मतदानमा नगरपालिका भित्र १४ वटा वडामा ६४ प्रतिशत मत खसेको मुख्य निर्वाचन कार्यालयले जनाएको छ । प्रारम्भिक आंकडा अनुसार कुल ४० हजार ४१८ मतदाता रहेकोमा झण्डै २५ हजार ७९२ मत खसेको छ । बागलुङ नगरपालिका वडा न ८ सिगानामा भने सामान्य झडप भएर रोकिएको मतदान साँझ पाँच बजे पछि पनि भएको थियो । अन्य वडामा शान्तीपुर्ण ढंगले सम्पन्न भएको मुख्य निर्वाचन कार्यालय बागलुङका मुख्य निर्वाचन अधिकृत बासुदेव न्यौपानले जानकारी दिए । न्यौपानेका अनुसार अहिले मतपेटिका कार्यालयमा ल्याउने काम भै रहेको र अझै एकिन तथ्याङ आउन बाँकी रहेको बताईएको छ । सवै वडाका मतपेटिका आए पनि सर्वदलिय बैठक पश्चात मतगणना गरिने न्यौपानेले बताए ।