बागलुङ- नेपाल पत्रकार महासंघ बागलुङ शाखाको अध्यक्षमा राम थापा अविरल निर्वाचित भएका छन्। शुक्रवार भएको निर्वाचनबाट प्रेस सेन्टर र प्रगतिशिल प्यालनबाट उम्मेवार रहेका थापाले प्रेस यूनियन र प्रेस चौतारीको प्यालनबाट उम्मेदवार बनेका तारानाथ आचार्यले २३ मत ल्याउँदा थापाले ४६ मत लिएर निर्वाचित भएका हुन । 

शाखाको निर्वाचनमा उपाध्यक्षमा सुवास आचार्य (४३ मत), महिला उपाध्यक्षमा सिर्जना पन्त (५० मत), सचिवमा नारायण रिजाल (४० मत), सहसचिवमा डम्मर बुढामगर (४३ मत) र कोषाध्यक्षमा खेमराज गौतम सुवास (४९ मत) सहित विजयी भएका छन् । समावेशी सचिवमा नवराज परियार निर्विरोध भएका थिए । उनीहरु सवै सत्तापक्षिय गठबन्धनका उम्मेदवार हुन् ।
कार्य समितिको सदस्यमा खुलाबाट अर्जुन कार्की (४८ मत), प्रकाश बराल (४५ मत), प्रदिप पन्त (४७ मत), बालकृष्ण सुवेदी (४० मत), दलितबाट अनिष खाती (३६ मत) र आदिवासी जनजातीबाट संगम घर्तीमगर (५० मत) लिएर निर्वाचित  भएका छन् । महिला सदस्यमा मनिषा शर्मा निर्विरोध भएकी छन् ।

केन्द्रीय परिषद महिला सदस्यमा कोपिला कँडेलले ४६ मत विजयी भएकी छिन् । यसै गरी केन्द्रीय परिषद खुल्ला सदस्यमा दिलिप पौडेले ३९ मत ल्याएर निर्वाचित भएका छन् ।

प्रदेश परिषद सदस्यहरुमा कृष्ण आचार्यले ५० मत, सुवाश राज पन्तले ४७ मत, खिमबहादुर कार्कीले ४४ मत, चन्द्र गणेश पौडेलले ४२ मत प्राप्त गरेका छन् । यसै गरी प्रदेश परिषद सदस्यमा लक्ष्मी परियार निर्विरोध भएकी छिन् ।