बागलुङ- बागलुङको ढोरपाटनमा ट्याक्टरको ठक्करबाट एक बालकको मृत्यु भएको छ ।  ढोरपाटन नगरपालिका–६ चामिद्वारमा ध १ त ५११ नम्बरको ट्याक्टरले ठक्कर दिँदा शनिबार साँझा सोही स्थानका १३ वर्षिय लक्ष्मण विकको घटनास्थलमै मृत्यु भएको प्रहरीले जनाएको छ । 

बालकलाई ठक्कर दिने ट्याक्टर चालक कसम पुन मगरलाई इलाका प्रहरी कार्यालय बुर्तिबाङले नियन्त्रणमा लिई थप अनुसन्धान गरिरहेको जिल्ला प्रहरी कार्यालय बागलुङका सुचना अधिकारी प्रहरी निरीक्षक राजाराम खड्काले जानकारी दिए । 

चामिद्वारमा बालवा झारे बुर्तिबाङ फर्किदै गरेको ट्याक्टरले विकलाई ठक्कर दिएको प्रहरीले जनाएको छ । बालक भने बारीमा मल फालेर घर फर्कदै गरेका थिए ।