बागलुङ- स्थानीय तहको निर्वाचन नजिकिए सँगै यतिबेला विभिन्न राजनितिक दलहरुले आफ्नो उम्मेदवार सिफारिसको कामलाई तिव्र बनाएका छन । नगरप्रमुख र गाउँपालिका अध्यक्षका लागि एउटै दलबाट पनि धेरै आकंक्षी देखिएका छन । जिल्लाको सवै भन्दा ठुलो र सदरमुकामको केन्द्र रहेको पालिका बागलुङ नगरपालिकाको नगरप्रमुखका लागि काँग्रेसबाट पनि एक दर्जनको आकंक्षी देखिएको छ । विहिबार काँग्रेस नगरसमितिले आयोजना गरेको भेला तथा बैठकमामा नगरप्रमुखको उम्मेदवारको दाबि गर्ने १२ जना र उपप्रमुखका लागि २ जना रहेका छन । 
    नगरप्रमुखका लागि नेपाली काँग्रेस बागलुङ नगरपालिका सभापति उमाकान्त शर्मा ‘बाबु’, काँग्रेस गण्डकी प्रदेश कोषाध्यक्ष बसन्त कुमार श्रेष्ठ, काँग्रेसका पुर्व  जिल्ला उपसभापति एवं महाधिवेशन प्रतिनिधि जगदिशचन्द्र उपाध्याय, क्षेत्र नं. १ का क्षेत्रीय सभापति चण्डी प्रसाद शर्मा पौडेल, महाधिवेशन प्रतिनिधि युवा नेता विष्णु पौडेल दाह्री, काँग्रेसका जिल्ला सदस्य जगन्नाथ आचार्य, पुर्व महाधिवेशन प्रतिनिधि कृष्ण शंकर श्रेष्ठ,  निवर्तमान नगरसभापति महेन्द्र आचार्य, महाधिवेशन प्रतिनिधि नारायण शर्मा पौडेल, निर्वतमान पार्टी सभापति एवं हालका जिल्ला सदस्य दिपेन्द्र बहादुर थापा, महाधिवेशन प्रतिनिधि एव‌ नेपाली काँग्रेस गण्डकी प्रदेश सदस्य पार्वती आचार्य र डिएलए धौलागिरी संयोजक निरञ्जन राजभण्डारीले ट नगरप्रमुखका लागि आफ्नो उम्मेदवारी दाबी गरेका छन । 
    नगरप्रमुखका १ दर्जनले नै दाबि गरेपनि नगर उपप्रमुखमा भने महाधिवेशन प्रतिनिधि कल्पना हमाल पाठक र बानपा–४ का सभापति बुद्ध विष्टले आफ्नो उम्मेदवारी दाबी गरेको काँग्रेस बागलुङ नगरपालिकाका सचिव कृष्ण शर्माले जानकारी दिए ।  
    उम्मेदवारका आकंक्षी बिच नगरकार्यसमितिले पहिलो चरणमा छलफल गरेर मात्र माथिल्लो निकायमा पठाउने सचिव शर्माले बताए । केन्द्र देखी नै गठबन्धन हुने भए सँगै यतिबेला उम्मेदवारको पनि लर्को लागेको छ । यदि गठबन्धन भएमा बागलुङ नगरपालिकामा प्रमुख काँग्रेस र उपप्रमख गठबन्धन भित्रकै दलले लिन सम्भावना रहेका कारण पनि उपप्रमुखका थोरैको उम्मेदवारी परेको आकलन गरिएको छ । नेकपा एमालेले पनि सम्भावित उम्मेदवारको नाम पठाएको जनाएको छ ।