बागलुङ- बागलुङमा जारी आठौं बागलुङ महोत्सवको अवसरमा आयोजित गण्डकी प्रदेश खुला पालिकास्तरीय भलिबल प्रतियोगिताको उपाधि होटल समिट धौलागिरि बागलुङले जितेको छ । गलकोट नगरपालिकालाई निरास बनाउँदै होटल समिटले उपाधि चुमेको हो । बाङ्गेचौर खेलमैदान भएको फाइनल खेलमा गलकोट नगरपालिकालाई ३—१ सेटको अन्तरले पराजित गर्दै होटल समिटले उपाधि जित्दै आठौं बागलुङ महोत्सव गण्डकी प्रदेश खुला पालिकास्तरीय पुरुष भलिबल प्रतियोगिताको च्याम्पियन बन्न सफल भयो । 
लगातार दुई सेट आफ्नो पक्षमा पारेको होटल समिटले तेस्रो सेट गुमाउन पुग्यो । चौथो सेटमा पुनरागमन जित निकाल्दै उपाधि पनि जित्यो । पहिलो होटल समिटले २५—२० दोस्रो सेट २५—११ आफ्नो पक्षमा पा¥यो । तेस्रो १७—२५ ले गलकोटलाई सुम्पिएको समिट होटल चौथो सेटमा २५—१८ ले जित हात पार्दै सेटसँगै उपाधिको समेत विजेता बन्न सफल भयो । होटल समिटलाई उपाधि दिलाउन पूर्व राष्ट्रिय खेलाडी एवं गण्डकी प्रदेश भलिबल टिमका कप्तान समेत रहेका सन्जु विक्रम शाहको प्रदर्शन उत्कृष्ट रह्यो । 
शाहले भित्र बाहिर दुबैतिरबाट गरेका प्रहारले अंक जोड्दा होटल समिट उपाधि विजेता बन्न सफल भएको हो ।  च्याम्पियन बनेको होटल समिटले उपाधिसंगै नगद २ लाख १ हजार ५ सय रुपैयाँ प्राप्त ग¥यो भने उपविजेता गलकोट नगरपालिकाले ट्रफीसहित नगद १ लाख २१ हजार ५ सय रुपैयाँमा चित्त बुझाएको छ ।  त्यसैगरी तेस्रो स्थानका लागि भएको खेलमा मेरो डेण्टल होमले पर्वतको कुश्मा नगरपालिकालाई ३–१ को सेटमा पराजित गरेको छ ।
 पहिलो सेट २५–२७ ले गुमाएको मेरो डेण्टल होमले उत्कृष्ट पुनरागमन गर्दै तेस्रो स्थान प्राप्त ग¥यो । मेरो डेण्टल होमले दोस्रो सेट २५–१९, तेस्रो सेट २५–१४ र चौथो सेट २५–१७ ले जित्यो । तेस्रो स्थान प्राप्त गरेको मेरो डेण्टल होमले ट्रफी सहित ४४ हजार ५ सय र सान्त्वना भएको कुश्मा नगरपालिका पर्वतले ट्रफी सहित २२ हजार ५ सय रुपैयाँ प्राप्त गरेको छ । बागलुङ महोत्सव २०८२ को मुख्य आकर्षणको रुपमा रहेको पुरुष भलिबल प्रतियोगिताका १४ समुहले भाग लिएका थिए । अन्तिम समयमा जैमिनी नगरपालिका र मालिका युवा क्लब खेलमा सहभागी नभएपछि १२ समुहबीच प्रतिस्पर्धा भएको थियो ।
 गण्डकी प्रदेश पालिकास्तरीय पुरुष भलिबल प्रतियोगितामा सम्बन्धित पालिका र जिल्ला बाहिर गण्डकी प्रदेशका २ जना खेलाडी टिममा समावेश गर्न पाईने नियम राखिएको थियो । प्रतियोगितामा भाग लिने सम्पूर्ण खेलाडी एउटै पालिकाको हुनुपर्ने र दुई जना मात्रै सम्बन्धित पालिका रहेको भन्दा बाहिरी जिल्ला गण्डकी प्रदेश भित्रको हुनुपर्ने भलिबल खेलका संयोजक अकिल बहादुर केसी धुर्वले जानकारी दिए । 
प्रतियोगितमा होटल समिट धौलागिरी बागलुङका आउटसाइट हिटर सञ्जु विक्रम शाह प्रतियोगिताको सर्वोत्कृष्ट खेलाडी घोषित हुन सफल भए । सर्वोत्कृष्ट घोषित शाहले ट्रफीसहित नगद ५ हजार रुपैयाँ प्राप्त गरे ।   बागलुङ उद्योग वाणिज्य संघले आयोजना गरेको महोत्सवमा खुल्ला राष्ट्रिय लोक दोहोरी गीत प्रतियोगिता, गण्डकी प्रदेशस्तरीय खुल्ला पुरुष भलिबल प्रतियोगिता, खुल्ला महिला भलिबल प्रतियोगिता, पञ्चेबाजा प्रदर्शनी तथा प्रतियोगिता, भाले छुने प्रतियोगिता, सामूहिक नृत्य, वक्तृत्वकला, लठो तान्ने, घैटोफोर प्रतियोगितालगायत विभिन्न झाँकी प्रदर्शनी र राष्ट्रिय कलाकारको सांगीतिक प्रस्तुती आयोजना गरिएको छ । महोत्सव पुस २१ गतेसम्म सञ्चालन हुने भनिए पनि आयोजकले मंगलबार २२ गते एक दिनका लागि थप गरेको छ ।