बागलुङ - बागलुङको बडिगाड गाउँपालिकमा रहेको इलाका प्रहरी कार्यालय भिमगिठेका प्रमुख बरिष्ठ प्रहरी नायव निरीक्षक उज्वल पौडेल मृत्त फेला परेका छन् ।
सोमबार राती बडिगाड गाउँपालिका वडा नम्बर–६ स्थित आशा होटल एण्ड खाजा घरको तल्लो तलामा पौडेल मृत्त फेला परेको जिल्ला प्रहरी कार्यालय बागलुङका प्रमुख एसपी योगेन्द्र कुमार खड्काले जानकारी दिए । 
पौडेल होटलमा मृत फेला परेको भन्दै होटल सञ्चालकले राती १२ बजे वडा अध्यक्षलाई जानकारी गराएका थिए । वडा अध्यक्षले प्रहरीलाई जानकारी गराएपछि राती २ बजे प्रहरी चौकी बुर्तिवाङको टोलि घटनास्थल पुगेका थियो । 
घट्नाको खबर पाएपश्चात जिल्ला प्रहरी कार्यालयका प्रमुख खड्काको नेतृत्वमा थप अनुसन्धानका लागि प्रहरीको टोली घटनास्थलमा पुगेको छ । 
प्रहरीले होटल सञ्चालक अन्जादी ४५ वर्षीया आशा कुँवर र उनका छोरा २० वर्षीय विनोद कुँवरलाई सोधपुछका लागि नियन्त्रणमा राखेको छ ।  घट्नाको थप अनुसन्धान भै रहेको प्रहरी प्रमुख खड्काले बताए ।