बागलुङ, ।  जिल्लाको बुर्तिबाङमा एक व्यक्ति मृत अवस्थामा भेटिएका छन । ढोरपाटन नगरपालिका– २ तारिखेत भन्ने स्थानमा अन्दाजी ५५ बर्षिय पुरुष मृत अवस्थामा भेटिएका हुन । ढोरपाटन नगरपालिका वडा नं ६ मोराङ स्थाई घर भै तारिखेत स्थित छोरीको घरमा बस्दै आएका चेबो अदै मृत अवस्थामा भेटिएको इलाका ईलाका प्रहरी कार्यालय बुर्तिबाङका प्रहरी निरिक्षक राजेश अधिकारीले जानकारी दिए । मंगलबार साँझ देखी बेपत्ता भएका अदै बुधबार विहान बारीमा मृत अवस्थामा भेटिएका हुन । । साँझनै परिवारले खोजि गरे पनि नभेटिएको तर बिहान करिव ६ बजेको समयमा घर तल्तिर बारिमा फेला पारेको स्थानियले बताएका छन् ।
मृतक अदैको मृत्युको कारण भने खुल्न सकेको छैन । तर स्थानियका अनुसार घटना भएको हनुसक्ने र घटना संलग्नको आशंकामा ५ जनालाई नियन्त्रणमा लिएर प्रहरीले अनुसन्धान गरेको प्रहरी निरिक्षक अधिकारीले बताए । घटनाको थप अनुसन्धानका निम्ती जिल्ला प्रहरी कार्यालयका प्रहरी नायव उपरिक्षक सहितको टोली बुर्तिबाङ जाँदै गरेको छ । मृतकको  शवलाई पोष्ट्रमाटमको लागि ल्याउने तयारी भैरहेको भए पनि मृतकको छोरा पोखरामा रहेको र नआउदा सम्म शव लाई नउठाउने भनिएको प्रहरी निरिक्षक अधिकारीले बताए ।