बागलुङ- बागलुङबाट प्रकाशित हुने परिसूचन साप्तहिक पत्रिकाले ११ औँ वर्षमा प्रवेश गरेको छ । पत्रीकाले आफ्नो बार्षिकोत्सवको अवसरमा बागलुङ बजारमा रहेको कालिका कन्या माविमा अध्ययनरत विद्यार्थिलाई शैक्षिक सामाग्री वितरण गरेको छ । कन्या माविका चार जना विद्यार्थीलाई शैक्षिक सामग्री वितरण गरेको पत्रिकाका कार्यकारी सम्पादक विजय रानाले जानकारी दिए।

बागलुङ नगरपालिका–३ मा रहेको विद्यालयको कक्षा २ मा अध्यनरत छात्रा सृष्टि रसाइली, कक्षा ४ मा अध्यनरत सनम नेपाली, कक्षा ५ मा अध्यनरत एलीसा तुलाचन र कक्षा ९ मा अध्यनरत एरिना लामालाई शैक्षिक सामग्री हस्तान्तरण गरिएको रानाले जानकारी दिए ।

कार्यक्रममा बोल्दै नेपाल पत्रकार महासंघ बागलुङ शाखाका पूर्व अध्यक्ष एवं सल्लाहकार मुकेशचन्द्र राजभण्डारीले देशको वर्तमान परिस्थितीले पत्रकारीता र पत्रकारहरुलाई पनि काम गर्न असहज भएको आर्थिक मन्दिको प्रभावमा सञ्चार माध्यम परेको बताएका छन् ।

कार्यक्रममा पत्रकार महासंघका कोषाध्यक्ष खेमराज गौतम सुवास,  प्रेस युनियन बागलुङका अध्यक्ष संगम घर्तिमगर प्रेस चौतारी  बागलुङका अध्यक्ष सिर्जना पन्त,  र विद्यालयका शिक्षक विरबहादुर किसानले शुभकामना व्यक्त गरेका थिए ।

परिसूचन साप्ताहिक पत्रिकाका सम्पादक ताराप्रसाद शर्माको अध्यक्षता, कार्यकारी सम्पादक विजय रानाको स्वागत र नवराज नेपालीको संचालनमा सम्पन्न भएको थियो ।