नारायण रिजाल, बागलुङ-    हामीले अनुभूत गरेकै कुरा हो, नाच्दा मन फुरुंग हुन्छ, मन चञ्चल हुन्छ । जब रोमान्टिक गीत बज्छ, हाम्रो शरीरको अवयव त्यसै–त्यसै नाच्न थाल्छ ।  कुनै उमंगमय क्षणमा हाम्रो शरीर नाच्छ, नाच्नुको फाइदा मनको शुद्धतासँग मात्र छैन  यो समग्र शारीरिक व्यायाम पनि हो । यस्तो व्यायाम, जसले रमाइलो र सजिलो ढंगले शरीरका मांसपेशी, जोर्नी, भित्री अंगहरु सबैलाई चलायमान बनाउँछ । नाच्नका लागि प्रशिक्षित हुनपर्छ भन्ने छैन । ढंग पु¥याएर नाच्नुपर्छ भन्ने पनि छैन । गीतको तालमा जसरी पनि नाच्न सकिन्छ । जसरी नाचे पनि हुन्छ । अन्ततः यसले शारिरिक व्यायामको काम गर्छ शरिरलाई स्वस्थ्य र फुर्ति राख्दन । नाच्दा रमाउँदा शारिरिक रुपमा फाईदा हुने हुँदा बागलुङका युवा देखी पाका पुस्ता सम्म मार्निङ वाक सँगै नाच्दै रमाउँने गर्न थालेका छन । 
विगत डेढ महिना अघि देखी बागलुङ नगरपालिका–१ रामरेखा देखी पर्वतको पाङ जोड्ने अग्लो झोलुङ्गे पुल प्रवेशद्धार नजिकै विहान पौने ६ बजे देखी झण्डै एक घण्टा युवा देखी पाका पुस्ता नाच्ने रमाउने गरेको देख्न सकिन्छ । विहानको मनिङ वाक सँग व्यायाम गर्ने थलो भएको छ । बागलुङ नगरपालिका–१ का व्यवसायी अखिल बहादुर क्षेत्री धुव्रले म्युजिक साउण्ड सिष्टमनै व्यवस्थापन गरेर नेपाली दोहोरी गित बजाउँदै मनिङवाक बाट फर्किनेलाई नाच्ने रमाउने व्यवस्था गरेका छन । 
 

दैनिक ८०/९० जना नाच्ने रमाउने
    बागलुङ बजार क्षेत्रमा अकिकांश व्यक्तिहरु मनिङवाक लागि कालिका भगवती मन्दिर, मालढुंगा र अग्लो झोलुङ्गे पुल पारी जाने गर्दछन फर्किर आए पछि पुन झण्डै १ घण्टा नाच्ने रमाउने गर्छन । सुरुका दिनमा ४÷५ जनाले सुरुवात गरेता पनि यो अहिले दैनिक झण्डै ८०÷९० जना जोडिने गरेका छन । ‘दैनिक हामी विहान ५ बजे उठेर मर्निङ वाक लागि निस्कन्छौं, साथीहरुको जम्बो टोली छ व्यवसायी धुव्रले भने, ‘कहिले कालिका मन्दिर, कहिले मालढुंगा त कहिले पर्वतका पाङ पुगेर फर्कन्छौं, पुलमा आए पश्चात नाच्ने रमाउने गछौं ।’ नाच्दा पनि शारिरिक व्यायम हुने हुँदा आफुहरुले साउण्ड सिष्टम नै व्यवस्थापन गरेर दैनिक नाच्ने रमाउने गरेको उनि बताउँछन । यो अभियानमा उनि सँगै सुरुका दिनमा व्यवसायी चित्र ब केसी, मनोज केसी, नन्दराम महतो, राम सुनार जनप्रतिनिधि सोम बोहोरा लगायतले साथ  दिएका थिए । अहिले बागलुङका पाका पुस्ता देखी उद्योगी, व्यवसायी, कर्मचारी, जनप्रतिनिधि, महिला रिटायर आर्मीले दैनिक यही आएर नाच्ने उफ्रिने गरेका छन । 
नाच्ने रमाउने गर्दा शरिरमा झनै उर्जा थपिन
मर्निङ वाक सँगै नाच्ने रमाउने गर्दा शरिरमा झनै उर्जा थपिने बागलुङ नगरपालिकाका पुर्व जनप्रतिनिधि सुर्य लामिछाने बताउँछन । अधिकाशं खेलमा रुचि राख्ने उनलाई नाच्नमा भने रुचि थिएन अहिले दैनिक नाच्न थालेपछि शरिरमा थप उर्जा थपिएको बताउँछन ।  ‘पहिले पहिले दैनिक मर्निङ वाक गर्दा साथिहरु नाचेको देख्दा खासै मन पदैनथ्यो । विस्तारै आफु पनि उफ्रिन लागियो नाच्दा शरीरका अंगहरु समूचित ढंगले सक्रिय हने रैछ लामिछानेले भने,–‘पसिना निस्कन्छ । मन चंगा हुन्छ, अहिले त मेरो पहिले भन्दा झण्डै ३ केजी तौल घटेको,  शरिरको मोटोपन घटाउने र व्यालेन्समा राख्ने राम्रो उपाय भनेकै नाच्नु रैछ, जानी नजानी चाचेकै छु ।’ उनले नाच्नै नजान्ने पनि दैनिक नाच्दै गर्दा जान्ने गरेको बताउँछन । नाच्ने कलालाई मनोरञ्जनको साधनको रुपमा मात्रै बुझ्ने गरिन्छ तर, नियमित नृत्य गर्ने हो भने हामीले आफ्नो शरीरलाई फिट एन्ड फाइन राख्न सकिने लामिछानेको भनाई छ ।

नाच्नु भनेको आफैमा व्यायम हो,
दैनिक व्यायमका लागि नाच्नु पनि शारिरिक रुपमा धेरै फाईदा भएको धौलागिरी आयुर्वेद औषधालयका प्रमुख डा. सरोज कुमार राय बताउँछन । नाच्ने गाउँने रमाउने गर्दा शारिरिक एवं मानसिक तनाब कमगर्न सहयोग गर्ने उनको भनाई छ । ‘नाच्नु भनेको आफ्ैमा व्यायाम हो, दैनिक नाच्ने रमाउने गर्दा हामीलाई मानसिक र शारीरिक दुवै तरिकाले स्वस्थ राख्न सहयोग गर्छ, डा. रायले भने,–‘यो एक किसिमको थेरापी पनि हो, नाच्दा पाचन यन्त्र बलियो बनाउँछ । फोक्सो, मुटुको कार्य–संचालनमा सघाउ पु¥याउँछ ।’ उनले नाँच सँगै योग अभ्यास पनि गरेमा शरिरलाई अझै फुर्ति राख्नका लागि मद्धत पु¥याउने बताए ।  दैनिक सहभागी हुनेको संख्या बढ्दै गएको हुँदा अझै फराकिलो ठाउँमा व्यायाम सँगै नाच्ने रमाउने व्यवस्थापन गर्ने तयारी गरेका छन । 
आफ्नो भावनाहरुलाई व्यक्त गर्नको लागि नृत्यको मद्दत लिन फाइदाजनक हुन्छ । यसले रिल्याक्स महसुस गर्नुका साथै  शरीरमा उर्जा प्रदान  हुने नाच्न आउने पाका पुस्ताहरु बताउँछन । 
नाँचले शरीरलाई राम्रो मात्रै बनाउँदैन । यसले स्मरण शक्तिलाई पनि प्रभावकारी बनाउन मद्धत गर्छ । बढ्दो उमेरसँगै हुने डिमेन्सिया जस्ता समस्यालाई पनि रोक्ने मुटु स्वस्थ रहन्छ र श्वासप्रश्वासको समस्या पनि टाढा हुने चिकित्सहरु बताउँछन ।