बागलुङ-  जिल्लाको गलकोट नगरपालिकालाई बालमैत्री स्थानिय शासनयुक्त नगरपालिका घोषणा  गरिएको छ । शनिबार गण्डकी प्रदेशका सामाजिक विकास तथा स्वास्थ्य मन्त्री सुशीला सिम्खडाले नगरपालिका नगरपालिकालाई बालमैत्री बालमैत्री स्थानिय शासनयुक्त नगरपालिका घोषणा गरेकी हुन । घोषणा गरे सँगै उनले कुनै पनि कार्यक्रम घोषण भन्दा पनि यसको दिगोपन नै महत्पुर्ण भएको बताईन । उनले  बालमैत्री नगर घोषणा कार्यक्रमलाई प्रभावकारी रुपमा कार्यान्वयन गर्नको लागि गण्डकी प्रदेश सरकारले सक्दो सहयोग गर्ने प्रतिवद्धता जनाईन । मन्त्री सिंखडाले गण्डकी प्रदेशको निती तथा कार्यक्रममा हरेक जिल्लामा सुरक्षित गृह सञ्चालन तथा सेफ हाउसको स्थापना गर्ने कार्यक्रम समावेश गर्ने बताईन “एक जिल्ला एक रंगशाला, एक स्थानिय तह एक खेलकुद मैदान निर्माण गर्ने कार्यक्रम अन्तर्गत एक स्थानिय तहको खेलकुद मैदान गलकोट नगरपालिकामा निर्माण गर्ने प्रतिवद्धता समेत व्यक्त गरिन । 
सिम्खडाले एक स्थानिय तह एक दक्ष चिकित्सक उपलब्ध गराउने र ६० वर्ष भन्दा माथिका महिलाहरुलाई भत्ता दिने कार्यक्रम सञ्चालन गर्ने समेत बताईन । 

“१६ भन्दा मुनिका बालबालिकाका लागि प्राणघातक रोग क्यान्सर रोगको उपचारको लागि नेपाल सरकारले दिने १ लाखमा थप १ लाख दिने र हरेक स्थानिय पालिकामा अल्ट्रासाउण्ड मेसीन हस्तान्तरण गर्ने तथा शैक्षिक गतिविधिको अध्यावधिक र सार्वजनिक गरिने छ  उनले भनिन आफुले सञ्चालन गर्ने कार्यक्रमहरु आफ्नो कार्यकालको दुई वर्ष भित्रमा पुरा गर्ने प्रतिवद्धता समेत जनाईन । 
नगरपालिकाले बालमैत्री स्थानिय शासनयुक्त घोषणा गरेसंगै पञ्चवर्षिय रणनितिक योजना समेत तयार पारीएको गलकोट नगरपालिकाले जनाएको छ । नगरपालिकामा १८ वर्षमुनिका बालबालिका ९ हजार ७ सय ३० रहेका छन् । गलकोट नगरपालिकाका ११ वटै वडालाई बालमैत्री वडा घोषणा गरे संगै गलकोट नगरपालिका गण्डकी प्रदेशको तेस्रो र बागलुङ जिल्लाको पहिलो बालमैत्री स्थानिय शासनयुक्त नगरपालिका घोषणा गरिएको हो ।
नगरपालिकाले बालमैत्री स्थानिय शासनयुक्त नगरपालिका घोषणाका लागि ५१ वटा सूचक पुरा गरेसँगै बालमैत्री स्थानिय शासनयुक्त नगरपालिका घोषणा गरिएको नगरप्रमुख भरत शर्मा गैरेले जानकारी  दिए । 
कार्यक्रममा पुर्व संविधान सभा सदस्य नर बहादुर पुन निरज,  गण्डकी प्रदेश सभा सदस्य जित सेरचन, बागलुङ दोर्ण कुवँर, दिलमाया पौवी जिल्ला समन्वय समितिका प्रमुख अमर बहादुर थापा, जैमिनी नगरपालिका नगरप्रमुख नर बहादुर पुन, बढिगाढ गाँउपालिकाका अध्यक्ष गण्डकी थापा अधिकारी, प्रमुख जिल्ला अधिकारी रोशनी कुमारी श्रेष्ठ, गण्डकी प्रदेशका स्वास्थ्य निर्देशनालयका निर्देशक खिम बहादुर खड्का,  जैनगर बाल सञ्जालका अध्यक्ष समिक्षा गौतम, गलकोट नगरपालिकाका निर्वतमान नगर उपप्रमुख रेनुका काउचा मगर, नेकपा एमाले गण्डकी प्रदेश सदस्य मञ्जु शर्मा चालिसे, राष्ट्रिय जनमोर्चा गलकोट नगर अध्यक्ष टंक केसी, गलकोट नगरपालिकाका सामाजिक विकास समिति संयोजक हिम बहादुर भण्डारी, गलकोट नगरपालिका वडा नं ३ का वडा अध्यक्ष फम बहादुर खत्री, गलकोट माध्यमिक विद्यालयका प्रध्यानाध्यापक देवेन्द्र बहादुर खत्री लगायतले शुभकामना मन्तव्य राखेका थिए । 
कार्यक्रममा गलकोट नगरपालिकाका विभिन्न वडाहरुबाट झाँकि प्रर्दशन, विभिन्न बाल सञ्जालहरुले साँस्कृतिक कार्यक्रमहरु प्रस्तुत गरेका थिए । 
कार्यक्रम गलकोट नगरपालिकाका नगरप्रमुख भरत शर्मा गैरेको अध्यक्षता, नगरउपप्रमुख फमलाल निउरेको स्वागत र गलकोट नगरपालिकाका प्रशासकिय अधिकृत तुल बहादुर बि।कको सञ्चालनमा सम्पन्न भएको थियो ।