बागलुङ -  बागलुङको काठेखाेला गाउँपालिका - ५ विहुँ ठुलढुंगामा  जीप दुर्घटना भएको छ । दुर्घटनामा परी दुई जनाको घटनास्थलमै मृत्यु भएको छ । गलकोटबाट बागलुङ बजारतर्फ आउँदै गरेको ग१च ९४८५ नम्बरको पिकअप जिप दुर्घटना भएको हो । 

 दुर्घटनामा परि मृत्यु हुनेमा जीप चालक पर्वतको कुश्मा नगरपालिका १ मालढु‌गा बस्ने वर्ष २८ का राजेन्द्र पुन र बागलुङको जैमिनी नगरपालिका १० राङ्खानीका वर्ष ३६ का दुर्गा पाैडेल रहेको जिल्ला प्रहरी कार्यालयका सूचना अधिकारी मदन केसीले जानकारी दिए । 

जीप मध्यपहाडी लोकमार्गबाट मध्यपहाडी लाेकमार्गबाट झण्डै पाँच सय मिटर तल खसेको हो ।  जिपमा चालक सहित दुई जना मात्र सवार रहेको प्रहरीले जनाएको छ । जुत्ता चप्पल बोकेको जीप रहेको र यसमा सवार मार्केटिङ गर्ने र चालक मात्र रहेको खुलेको छ ।

प्रहरीको टोली घटनास्थलमा पुगेर उद्धारकार्यमा जुटेको छ । उद्धार पश्चात मृतक दुबै जनालाई धौलागिरी अस्पतालमा पोष्टमार्टमका लागि ल्याईने केसीले जानकारी दिए । दुर्घटना के कारण भएको हो खुल्न सकेको छैन । 

तश्विर सौजन्य भरत सापकोटा