बागलुङ- नेपाल प्रज्ञा प्रतिष्ठानको उपकुलपती बिमल निभाले नेपाली साहित्यको जगेर्नामा सवैले ध्यान दिनुपर्ने बताएका छन । धौलागिरी क्षेत्रकै सवै भन्दा पुरानो पुस्तकालय विद्यामन्दिर पुस्तकालय बागलुङले आयोजना गरेको भेटघाट तथा स्वागत कार्यक्रममा बोल्दै उनले पछिल्ला दिनमा साहित्य प्रति मानिसको रुची कम हुँदै गएकोमा यसको जर्गेनामा सवैले ध्यान दिनुपर्ने बताए । उनले नयाँ पुस्तालाई नै साहित्यमा जगाउनका निम्ती बाल साहित्यको विकासमा सवैले जोड दिनुपर्ने बताए । निभाले आफु प्रतिष्ठानको बालसाहित्य विभागको प्रमुख समेत भएको हुँदा यसका निम्ती विभिन्न स्थानमा अन्तरक्रिया कार्यक्रम संचालन गर्दै आएको बताए । 
“नेपाली साहित्यमा बाल साहित्यको आवश्यकता बढाउनु पर्दछ । निभाले भने,–‘यसकै निम्ती प्रज्ञा प्रतिष्ठानले  बालबालिका लक्षित विभिन्न कार्यक्रम पनि गर्दै आएको छ । शनिबार मात्र बागलुङको बरेङ गाउँपालिकामा कार्यक्रम गरियो । निकै प्रभावकारी पनि बन्यो बालबालिकासँग साहित्यीक कार्यक्रममा रमाउने अवसर प्राप्त भयो । उनले प्रज्ञा प्रतिष्ठानले विभिन्न क्षेत्र हुँदै भाषा र वर्गसँग लक्षित कार्यक्रम पनि संचालन गरेको बताए ।  कार्यक्रममा बागलुङका साहित्यका प्रज्ञा प्रेम छोटालाई प्रतिष्ठानले सम्मान गरेको थियो । सम्मान पश्चात बोल्दै छोटाले प्रज्ञा प्रतिष्ठानले आफुलाई गरेको सम्मानले नेपाली भाषा र साहित्य क्षेत्रमा झनै सक्रिय बन्ने वातावरण सिर्जना गरेको बताए । 
कार्यक्रममा धौलागिरी बहुमुखी क्याम्पसका प्राध्यापक डा. दिनबहादुर थापा, देवकोटा लुसुन प्रज्ञा प्रतिष्ठानका महासचिव सिता शर्मा, उपाध्यक्ष मात्रिका पोखरेल, प्रज्ञा प्रतिष्ठानका सदस्य अगिव बनेपाली लगायतले बोलेका थिए । 
कार्यक्रम विद्यामन्दिर पुस्तकालयका अध्यक्ष रामचन्द्र शर्माको अध्यक्षता सदस्य एवं बरिष्ठ अधिवक्ता काजि गाउँले श्रेष्ठको स्वागत र पुस्तकालयका सदस्य गोविन्द प्रसाद ओझाको संचालनमा सम्पन्न भएको थियो ।