बागलुङ-  जिल्लामा आइतबारदेखि जिल्ला स्तरीय राष्ट्रपति रनिङ शिल्ड प्रतियोगिता सुरु हुने भएको छ । जिल्ला खेलकुद समितिका अध्यक्ष कुमार खड्का अनुसार  ९४ स्वर्ण, ९४ रजत र ११० काश्य गरि २९८ पदकको लागि ४८० जना खेलाडी सहभागी हुने छन् । प्रतियोगितामा १० पालिकाका २४० छात्रा र २४० छात्र गरि ४८० खेलाडी सहभागि हुने छन् । प्रतियोगिता सोमबार र मंगलबार हुनेछ । प्रतियोगिताको तयारी पूरा भएको पत्रकार सम्मेलन मार्फत जानकारी दिएका हुन । 
पहिलो दिन प्रतियोगितामा छात्रा/छात्रा तर्फ १ हजार ५ सय, २००, १०० मिटर दौड, हाईजम्प, लङजम्प, त्रिपल जम्प, भलिबल र कबड्डी प्रतियोगिता हुनेछन । दोस्रो दिन छात्र/छात्राको ३ हजार मीटर दौड, ज्याभलिङ थ्रो, सटफुट, भलिबल प्रतियोगिता फाईनल, कबड्डी, मार्शल आर्ट, तेक्वान्दो, कराँते, उसु खेल हुनेछन् ।  राष्ट्रपति रनिङ शिल्ड प्रतियोगिताको लागि करिब ४ लाख रुपैयाँ खर्च हुने आयोजकले जनाएको छ ।