बागलुङ — स्थानीय तह निर्वाचन मतगणनामा बागलुङका विभिन्न पालिकाको मत परिणाम आउने क्रम जारी रहेको छ । मतपरिणाम आए सँगै गठबन्धनका दलहरुकै उम्मेदवार विजयी भएका छन । जिल्लाको निसिखोला गाउँपालिकामा नेपाली काँग्रेसका सूर्यबहादुर घर्ती अध्यक्षमा निर्वाचित भएका छन ।  । उनले ५ हजार ५ सय ११ मत पाएका छन् । उनका निकटतम प्रतिद्वन्द्वी एमालेका भूमिराज घर्तीले २ हजार ६ सय ३९ मत प्राप्त गरेका छन । 
उपाध्यक्षमा माओवादीका प्रेम घर्ती ५ हजार मत पाएर विजयी भएका छन् । उनका निकटतम प्रतिद्वन्द्वी एमालेका भोटु चन्दले २ हजार ९ सय ८ मत पाएका छन् । निसीखोला यस अघिको निर्वाचनमा कांग्रेसको एकल प्यानल निर्वाचित भएको थियो । वडा नम्बर १, ४, ५ र ६ वडा कांग्रेसले २ र ३ माओवादी तथा वडा नम्बर ७ मा एमालेका उम्मेदवार विजयी भएका छन ।