बागलुङ - बागलुङको काठेखोला गाउँपालिका अध्यक्षमा नेपाली काँग्रेसका राजु थापा र उपाध्यक्षमा राष्ट्रिय जनमोर्चाका तेजेन्द्र थापा ‘तिलक’ विजयी भएका छन् ।
अध्यक्ष थापाले निकटतम प्रतिद्वन्द्वी नेकपा एमालेका डिल बहादुर कार्कीलाई एक हजार मतान्तरले जीत हाँसिल गरेका छन । थापाले ७ हजार ७ सय ५० मत प्राप्त गरेका छन् भने कार्कीले ६ हजार ७ सय ५० मत प्राप्त गरेका छन् ।
उपाध्यक्षमा तिलक थापाले आफ्ना प्रतिद्वन्द्वी कोपिला पुनलाई २ सय ६५ मतान्तरले पराजित गरेका छन ।  थापाले ६ हजार ७ सय १२ मत प्राप्त गरेका छन् भने पुनले ६ हजार ४ सय ४७ मत प्राप्त गरेका छन् । काठेखोला गाउँपालिकामा १४ हजार ७ सय ३३ मत खसेको थियो ।