नेपाली क्रिकेटर दिपेन्द्रसिंह एरी बागलुङ आउने भएका छन ।  नेपाली राष्ट्रिय क्रिकेट टोलीका अलराउन्डर खेलाडी  ऐरी ग्रेस इन्टरनेशनल बागलुङ शाखाले आयोजना गरेको मिट एण्ड ग्रीट’ कार्यक्रमका लागि बागलुङ आउने भएका हुन ।  असार २८ गते (शुक्रबार) ऐरी बागलुङ आउने पत्रकार सम्मेलनको आयोजना गरी जानकारी गराइएको छ ।

ग्रेस इन्टरनेशनल बागलुङ शाखाका प्रमुख ओमकार पौडेलले क्रिकेटर ऐरीले बागलुङका खेलाडीहरुलाई क्रिकेटको किट्सहरु वितरण गर्ने र खेलाडी तथा पत्रकारहरुसँग अन्तरक्रिया गर्ने बताए । ‘ग्रेस इन्टरनेशनलको सहयोगमा ऐरीले बागलुङका १० जना उत्कृष्ट खेलाडीलाई क्रिकेट ब्याट वितरण गर्नुहुन्छ,’ प्रमुख पौडेलले भने,‘बागलुङ क्रिकेट लिगको विजेता (बागलुङ क्रिकेट क्लब) टिमका खेलाडीलाई जर्सी, हेलमेट, प्याड लगायत क्रिकेटको किट्सहरु वितरण गरिने छ ।’

शुक्रबार नै दोस्रो सत्रमा विद्यार्थी, बागलुङका क्रिकेट खेलाडी, खेल संघका पदाधिकारी तथा सदस्यहरु र पत्रकारहरुसँग ऐरीले अन्तरसंवाद गर्ने प्रमुख पौडेलले बताए ।  नेपालले भरखरै विश्वकप क्रिकेटमा सहभागिता जनाएर फर्किएकोले ऐरीसँग अनुभवन प्रदान गर्ने र क्रिकेटको बारेमा सहभागीहरुले प्रश्न सोध्न सक्ने पौडेलले बताए । ग्रेस ईन्टरनेशलले समय समयमा नेपालका विभिन्न क्षेत्रमा प्रख्यात व्यक्तिहरु सँग जिल्लामा कार्यक्रम संचालन गर्दै आएको छ ।