बागलुङ- राष्ट्रपति विद्यादेवी भण्डारी भोली (बुधबार) बागलुङ आउने भएकी छन । गण्डकी प्रदेशको उत्कृष्ट धार्मिक पर्यटकीय गन्तव्य बागलुङ कालिका भगवती मन्दिर दर्शनका तथा पुजा पाठ गर्न भण्डारी आउने बागलुङ कालिका भगवती मन्दिर गुठी व्यवस्थापन समितिका अध्यक्ष कुमार खड्काले जानकारी दिए । 
अध्यक्ष खड्काका अनुसार कालिका मन्दिर दर्शनका लागि बुधबार बिहान १० बजे आउनेर त्यस पश्चात पर्वतको जलजलामा रहेको कालाञ्जार पर्वतको एक कार्यक्रममा सहभागि हुनेछन । राष्ट्रपति आउने कार्यक्रम रहेको भन्दै गुठी व्यवस्थापन समिति उनको स्वागतको तयारीमा जुटेको छ । 
राष्ट्रपतिद्वारा कालिका मन्दिर दर्शन पश्चात कालिका मन्दिरको महिमा र महत्व झनै चुलिएर जाने विश्वास गरिएको छ । 
अहिले बागलुङ कालिका मन्दिरलाई पुरातात्विक र कलात्मक स्वरुपमा पुर्ननिर्माणको काम पनि अगाडी बढाईएको छ ।