नेपाली काँग्रेस जैमिनी नगरपालिका–१ कुश्मिसेरामा दशै र तिहारको अवसरमा शुभकामना आदानप्रदान कार्यक्रम सम्पन्न गरेको छ । वडा कार्यसमितिको आयोजनामा आयोजित कार्यक्रममा बोल्दै नेपाली काँग्रेसका महाधिवेशन प्रतिनिधि हरि आचार्यले काँग्रेसलाई एक ढिक्का बनाएर लैजाने मुख्य भुमिका भनेकै वडा तहका नेता तथा कार्यकर्ताको रहेको बताए । उनले कुनै पनि गुट उपगुट नभएर सक्षम र सवल नेतृत्व चयनका लागि  सवै एक जुट हुनुपर्ने बताए । आचार्यले कुश्मिसेरा काँग्रेसलाई बलियो काँग्रेस निर्माणका निम्ती नयाँ कार्यसमितिले अझै प्रभावकारी भुमिका निर्वाह गर्नेमा  विश्वस्त रहेको बताए । कार्यक्रममा नेपाली काँग्रेस बागलुङ क्षेत्र नं. १ का क्षेत्रीय सचिव विष्णु आचार्य, जैमिनी नगरपालिकाका निवर्तमान सभापति काशिराम आचार्य, नेपाल विद्यार्थी संघ जैमिनी नगरपालिकाका संयोजक छायादत्त चापागाई लगायतले शुभकामना मन्तव्य राखेका थिए । 
कार्यक्रम कुश्मिसेराका सभापति हरि प्रसाद शर्माको अध्यक्षता क्षेत्रीय प्रतिनिधि रामु आचार्यको स्वागत र वडा सचिव रुद्रनाथ आचार्यको संचालनमा सम्पन्न भएको थियो ।