बागलुङ- प्रेस चौतारी नेपाल जिल्ला शाखा बागलुङको २० औ बार्षिक साधारणसभा तथा आठौं जिल्ला अधिवेसन मंगलबार सम्पन्न भएको छ । अधिवेशनको उद्घाटन समारोहलाई सम्बोधन गर्दै प्रेस चौतारी नेपालका केन्द्रिय अध्यक्ष गणेश बस्नेतले पत्रकारितामा इमान्दारिता र क्रियाशिलता आवश्यक रहेको बताएका छन् ।
बस्नेतले देश र समाज रुपान्तरणको लागि पत्रकारिता महत्वपूर्ण पेशा भएकाले यसमा लागेकाहरु इमान्दार र क्रियाशिल हुनुपर्नेमा जोड दिए । अध्यक्ष बस्नेतले पत्रकारबाट आम जनताले धेरै अपेक्षा राखेकाले जनचाहना अनुसारको समाज निर्माणका लागि पत्रकारको पनि महत्वपूर्ण भुमिका रहेको धारणा व्यक्त गरे । उनले पेशागत सुरक्षा र श्रमजिवी पत्रकारहरुको हक हितका लागि सबै एकताबद्ध भएर लाग्नुपर्ने समेत जोड दिए ।
कार्यक्रममा नेकपा एमालेका पोलिटव्युरो सदस्य मनकुमारी जिसी, प्रेस चौतारीका केन्द्रिय उपाध्यक्ष गणेश पाण्डे, राजेश राई, नेकपा एमाले बागलुङका अध्यक्ष हिराबहादुर केसी, केन्द्रिय सदस्य सावित्रा राना, चौतारीका केन्द्रिय सदस्य एवं बागलुङ जिल्ला इन्चार्ज तारानाथ आचार्य, केन्द्रिय सदस्य कृष्ण थापा, गण्डकी प्रदेश अध्यक्ष इन्द्र पौडेल, जिल्ला शाखका संस्थापक सल्लाहकार हरिनारायण गौतम, पत्रकार महासंघ बागलुङका अध्यक्ष राम थापा, उपाध्यक्ष सुवास आचार्यले शुभकामना मन्तव्य व्यक्त गरेका थिए ।
त्यसैगरी बागलुङ नगरपालिका वडा नं. ६ का अध्यक्ष रुद्रबहादुर केसी, राष्ट्रिय उद्योग व्यापार संगठनका इन्चार्ज रुद्रबहादुर महत, बागलुङका प्रहरी उपरिक्षक ऋषीराम कँडेल, प्रेस युनियन बागलुङका अध्यक्ष संगम घर्ती, प्रेस सेन्टर बागलुङका उपाध्यक्ष अनिष खाती र प्रगतिशिल पत्रकार संघका अध्यक्ष बिजय रानाले शुभकामना मन्तव्य व्यक्त गरेका थिए ।
कार्यक्रममा नेपाल पत्रकार महासंघले संचालन गर्न लागेको लेखन बृद्धि कोषका लागि प्रेस चौतारीले ५ हजार रुपैयाँ सहयोग गरेको थियो । कार्यक्रम प्रेस चौतारी बागलुङका अध्यक्ष सिर्जना पन्तको अध्यक्षता, उपाध्यक्ष खेमराज गौतम सुवासको स्वागत र सचिव अर्जुन कार्कीको संचालनमा सम्पन्न भएको थियो ।