बागलुङ- नेपाली कांग्रेस बागलुङको उप सभापतिमा सागर छन्त्याल र तारानाथ पौडेल निर्वाचित भएका छन ।  कांग्रेसको १४ औं महाधिवेशन अन्तरगत शुक्रबार देखी सुरु भएकाे जिल्ला अधिवेशनबाट  छन्त्यालले ७८७ र पौडेलले ७४७ मत प्राप्त गरेका छन । छन्त्याल र पौडेलका प्रतिस्पर्धि महेन्द्र आचार्यले ६६८ नारायण शर्मा पौडेलले ६२६ र खिमानन्द पौडेलले ६८ मत र पुर्णबहादुर पौडेलले १३३ मत प्राप्त गरेका थिए ।   निर्वाचित छन्त्याल संस्थापन पक्षका नेता हुन भने पौडेल संस्थापनईतर समुहका हुन । उपसभापतिका दुई जनाका लागि ६ जना उम्मेदवार रहेका थिए ।  सभापतिका  दुवै जना पश्चिम बागलुङका हुन । यस्तै सचिवमा हरिहर शर्मा र गण्डकी थापा अधिकारी निर्वाचित हुनुभएको छ । शर्माले ९०८ र अधिकारीले ७०७ मत प्राप्त गरेका थिए । 
सह सचिवमा ज्ञान कुमारी शर्मा श्रीस र फम बहादुर खत्री  निर्वाचित भएका हुन  । खत्रीले ८५५ र ८८० मत प्राप्त गरेर निर्वाचित भएको निर्वाचन अधिकृत  विष्णुप्रसाद शर्माले जानकारी दिए ।  पदाधिकारीमा निर्वाचित सचिव शर्मा र सहसचिव श्रीष बाहेक सबै पश्चिम बागलुङका हुन ।