बागलुङ । बागलुङ नगरपालिका–१ रामरेखाबाट दिन दहाडै स्कुटर चोरी भएको छ । रामरेखाको महेन्द्र कंडेलको घर अगाडी पार्किङ गरेर राखेको स्कुटर आईतबार विहान ९.२७ को समयमा एक अपरिचित व्यक्तिले चोरेर भागेका छन । 
कंडेलको घरमा डेरा गरी बस्ने कमला पौडेल चापागाईको ध २ प ७२४ नम्बरको रातो स्कुटर रोकिराखेको अवस्थामा एक युवा आएर चोरी गरी फरार भएको स्कुटर धनी पौडेलले बताईन ।  विहान अफिस जाने तयारीमा पौडेलले स्कुटरमै चापी राखेर पुन घरभित्र गएर बच्चा लिएर बाहिर निश्कदा एक युवाले स्कुटर चोरी भागेको उनले बताईन ।  एक अपरिचित व्यक्ति आएर स्कुटर नचलाउनु भन्दा भन्दै स्टाट गरी भागेको कमलाकी छोरी बताउँछिन । छोरीको हातमा मोबाईल भएकोले स्कुटर चलाएर जानेको भिडियो समेत बनाएकी छन । पछाडीबाट खिचिएको हुँदा को व्यक्ती भन्ने चिन्न सकिएन ।  छोरीले हाम्रो स्कुटरको आएर लगेर गयौ भने पछि हामी पछ्याउँदा पछ्याउँदा कहाँ कता लगे भन्ने पत्तो नपाएको पौडेलको भनाई छ । स्कुटर विना हेलमेट चलाएर भागेको छ । 
उनिहरुले तत्काल प्रहरीलाई खबर गरी अहिले खाजी कार्य भै रहेको छ  । ट्राफिक प्रहरी कार्यालय बागलुङका प्रमुख मिनबहादुर खड्का अनुसार स्कुटर र चोर्ने व्यक्तिको खोजी कार्य भै रहेको र हाल सम्म पत्ता लाग्न नसकेको बताए । उनले जिल्लाका सवै नाकाका प्रहरी विटमा खबर गरेको  जानकारी दिए ।   प्रतिकात्मक तश्विर.

भिडियो https://www.facebook.com/kamala.sharma.77/videos/1045746586807926