बागलुङ,- बागलुङमा संचालित अन्तर विद्यालय फुटसल प्रतियोगिताको उपाधि चिल्ड्रेन लाईफ ईङ्लिस बोर्डिङ स्कुलले जितेको छ । प्रवुद्ध युवा समुह बागलुङले आयोजना गरेको फाईनल खेलमा अमर आदर्श आवसीय विद्यालय बागलुङलाई ५–४ गोलले पराजित गर्दै चिल्ड्रेन लाईफ विजेता बनेको हो । 
खेलको पहिलो राउण्डमा २–२ गोलको बराबरी भए पश्चात पेनाल्टी सुटआउट भएको थियो । २–२ बराबरी भएको पेनाल्टीमा अन्त्यमा चिल्ड्रेन लाईफका रिडिस क्षेत्रले १ गोल थपेर जित निश्चित गरेका थिए । 
बुधबार देखी सुरु भएको खेलमा १८ टिमको सहभागिता रहेको थियो । प्रतियोगितामा विजेता चिल्ड्रेन लाईफले नगद १५ हजार र उपविजेता अमर आदर्शले १० हजार नगद, ट्रफी र मेडल प्राप्त गरेका छन् । प्रतियोगितामा मेन अफ द म्याचको उपाधि चिल्ड्रेन लाईफका बरदान थापा घोषित भएको प्रतियोगिताको संयोजक रोहित सुनारले जानकारी दिए ।  प्रतियोगितामा इमेर्जिन अमरका सन्देश थापा र बेष्ट डिफेन्डरको अर्वाड सन्जय थापाले प्राप्त गरेका थिए । खेलमा सिदार्थ शिक्षा सदनका दिप श्रेष्ठले हाई स्कोरको अवार्ड प्राप्त गरे भने चिल्ड्रेनका लोकन्द्र थापा र प्रवेश सुवेदीले वेष्ट पेलेयर र वेष्ट किप्परको अर्वाड प्राप्त गरेका थिए । प्रतियोगितामा अनुशासिन टिमको उपाधी सिदार्थ शिक्षा सदनलाई प्रदान गरिएको थियो ।