२०८३ कार्तिक १९, बुधबार
२०८३ कार्तिक १९, बुधबार
बागलुङ । नेकपा एमाले बागलुङको जिल्ला अधिवेशन आगामी माघ ९ र १० गते हुने भएको छ । सोमबार गल्कोटको हटियामा सम्पन्न पार्टीको जिल्ला कमिटी बैठकले जिल्ला अधिवेशनसँगै वडा र पालिका अधिवेशनको मिति तय गरेको हो ।
बैठकले मंसिर २८ गते जिल्लाका ८५ वटै वडामा एकैदिन वडा अधिवेशन गर्ने र पुस ६ गते जिल्लाका १० वटै पालिकामा पालिका अधिवेशन सम्पन्न गर्ने निर्णय गरेको नेकपा एमाले बागलुङका सचिव गणेश थापाले जानकारी दिए ।
जिल्ला कमिटीको नियमित कार्यकाल बाँकी रहे पनि अध्यक्ष हिराबहादुर केसी केन्द्रीय सदस्यको उम्मेदवार बनेपछि अध्यक्ष पद रिक्त भएको थियो । अध्यक्ष पद रिक्त रहेका जिल्लामा छ महिनाभित्र अधिवेशन सम्पन्न गर्न पार्टी केन्द्रले दिएको निर्देशनअनुसार बागलुङमा अधिवेशनको मिति तय भएको एमालेले जनाएको छ ।
बैठकले वर्तमान जिल्ला कमिटीलाई संगठन कमिटीमा रूपान्तरण गर्दै उपाध्यक्ष विष्णुप्रसाद भुषालको संयोजकत्वमा जिल्ला अधिवेशन आयोजक कमिटी गठन गरेको छ । सोही कमिटीले आगामी वडा, पालिका र जिल्ला अधिवेशनको तयारी तथा व्यवस्थापन गर्नेछ ।
बैठकमा जिल्लाको समग्र संगठनात्मक अवस्था, पार्टीका गतिविधि र आगामी राजनीतिक तथा सांगठनिक योजनाका विषयमा छलफल भएको थियो । वडा तथा पालिकाका प्रतिनिधिले आ–आफ्नो क्षेत्रको सांगठनिक अवस्था र पार्टी गतिविधिबारे रिपोर्टिङ गरेका थिए ।
बैठकले जिल्लामा पार्टी संगठनलाई थप व्यवस्थित र सक्रिय बनाउने, स्थानीय तहसम्म पार्टीका गतिविधि विस्तार गर्ने तथा समसामयिक राजनीतिक विषयमा पार्टीको भूमिका प्रभावकारी बनाउने विषयमा छलफल गर्दै आवश्यक निर्णय गरेको कार्यालय सचिव चन्द्रमणि उपाध्यायले जानकारी दिए ।
पार्टी केन्द्रीय सदस्य तथा जिल्ला इन्चार्ज मनकुमारी केसीको प्रमुख आतिथ्यतामा सम्पन्न बैठकमा केन्द्रीय सदस्य डा. सुर्य पाठक, गोविन्द नेपाली लगायतका नेताहरुको उपस्थिती रहेको थियो । बैठकको अध्यक्षता कार्यवाहक अध्यक्ष विष्णुप्रसाद भुषाल र सञ्चालन सचिव गणेशबहादुर थापामगरले गरेका थिए ।
बागलुङ । बागलुङमा जुवातास खेलिरहेको अवस्थामा प्रहरीले ९ जनालाई पक्राउ गरेको छ। प्रहरीले उनीहरूको साथबाट नगद १ लाख ६४ हजार ९२५ रुपैयाँ बरामद गरेको छ। जिल्ला प्रहरी कार्य...
बागलुङ बागलुङको १० वटै पालिका भित्रको स्वास्थ्य क्षेत्रको सुधारमा सम्बोधन परियोजनाको भुमिका महत्वपूर्ण रहेको बताइएको छ । मंगलबार बागलुङमा आयोजिक पत्रका...
काठमाडौं । सरकारले समाचार कक्षभित्रै प्रवेश गरेर भएको धरपकड प्रहरीले आन्तरिक अनुसन्धानका लागि मात्रै भएको स्पष्टीकरण दिएको छ । सरकारका प्रवक्ता सस्मित पोखरेलले प्रहरीले प्रकाशित भएका समाचारहरू कसरी...
