बागलुङ- विजया दशमी तथा शुभ दिपावली, छठ पर्वको अवसरमा बागलुङ नगरपालिका कार्यालयले बुधबार शुभकामना आदानप्रदान गरेको छ । जिल्लाबाट प्रतिनिधित्व गर्ने प्रतिनिधि सभा सदस्य, प्रदेश सभा सदस्य, विभिन्न राजनितिक दलका प्रमुख एवं प्रतिनिधि, विभिन्न सरकारी कार्यालयमा कार्यरत कर्मचारी, पत्रकार सामाजिक संघ संस्थाका प्रतिनिधि  जनप्रतिनिधि र सर्वसाधारण विच शुभकामना आदान प्रदान गरिएको हो । 
सवै नगरवासी दाजुभाई दिदिबहिनीमा सुख शान्तिको एवं सुस्वास्थय दिर्घायुको कामना गर्दै नगरप्रमुख बसन्त कुमार श्रेष्ठले सवैमा शुभकामना व्यक्त गरेका थिए । कार्यक्रममा नगरले संचालन गरेको सेवा प्रवाह घुम्ती शिविरका बारेमा जानकारी गराईएको थियो । शिविरमा सहयोग गर्ने विभिन्न संघ संस्थाका प्रतिनिधि र पत्रकारहरुलाई धन्यबाद सहित सम्मान गरिएको थियो । 
कार्यक्रम नगरपालिकाका प्रमुख प्रशासकिय अधिकृत पुरुषोत्तम सापकोटाको संचालन र नगर उपप्रमुख राजु खड्कोको धन्यबाद मन्तव्य सँगै समापन गरिएको थियो ।