बागलुङ- नेपाल रेडक्रस सोसाइटी कालिका उपशाखाको सभापतिमा गणेशराज लम्साल निर्वाचित भएका छन । शाखाको शनिबार भएको ७ औं अधिवेशनबाट लम्साल सर्वसम्मत निर्वाचित भएका हुन । शाखाको उपसभापतिमा पार्वती थापा क्षेत्री, सचिवमा राजेश भारी, कोषाध्यक्षमा रुद्रबहादुर महत क्षेत्री चयन भएका छन । समितिको उप–कोषाध्यक्षमा गणेश महतो, उप–सचिवमा दिनेश जिसी सर्वसम्मत चयन भएको नेपाल रेडक्रस सोसाईटी जिल्ला शाखा बागलुङका सदस्य एवं निर्वाचन समितिका संयोजक तेजप्रसाद शर्माले जानकारी दिए । 
शाखाको सदस्यहरुमा सञ्जय श्रेष्ठ, दयाराम पौडेल, निलेश राजभण्डारी, निर्माणकुमार श्रेष्ठ र एलिजा गौतम रहेका छन । 
अधिवेशन उद्घाटन सत्रमा बोल्दै बागलुङ नगरपालिका वडा नं. २ का वडा सदस्य विदेश कुमार श्रेष्ठले नेपाल रेडक्रस सोसाइटीले सामाजिक क्षेत्रमा ठुलो योगदान पु¥याएको बताए । उनले हरेक नागरिकको जिवनदानका लागि यसको महत्वपुर्ण भुमिका रहेको जानकारी दिए । 
कार्यक्रम शाखाका सभापति आशिक राजभण्डारीको अध्यक्षता, पार्वती थापा क्षेत्रीको स्वागत र सचिव गणेशराज लम्सालको संचालनमा सम्पन्न भएको थियो ।