नेपाली काँग्रेस ढोरपाटन नगर समितिको पहिलो पूर्ण बैठक तथा विजया दशमीको अवसरमा शुभकामना आदान प्रदान कार्यक्रम सम्पन्न भएको छ ।

नगर सभापति धनबहादुर कायतको अध्यक्षतामा आयोजित कार्यक्रममा रुपमा नेपाली काँग्रेसका महाधिवेशन प्रतिनिधि जित शेरचनले नव निर्वाचित टिमले उर्जा जोस र जाँगरका साथ पार्टी सँगठनलाई बलियो बनाउँदै लैजानुपर्ने र पालिकामा भएका नराम्रा कृयाकलापको भण्डाफोर गरेर अगाडि बढ्नुपर्ने बताए ।

पार्टीमा नेतृत्व पाउनु ठूलो कुरा नभई कर्तव्य र जिम्मेवारीलाई बोध गरेर सोच विचारका साथ अगाडि बढ्न आग्रह सहित स्थानीय तहको निर्वाचनमा पार्टीलाई सशक्त बनाएर लैजानका निम्ति गाउँ गाउँमा सङ्गठन विस्तार, सचेतना कार्यक्रम तथा प्रशिक्षण मूलक कार्यक्रमलाई अगाडि बढाउनुपर्ने बताए ।

कार्यक्रमका सभापति धनबहादुर कायतले आफनो कार्यकालमा ढोरपाटन नगरपालिकामा पार्टीलाई मजबुद बनाएर लैजान आफू र आफनो टीम सक्रियता पूर्वक लाग्ने बताए ।

कार्यक्रममा नेपाली काँग्रेस महाधिवेशन प्रतिनिधि सागर छन्त्याल, जिल्ला सदस्य गण्डकी थापा, पूर्व जिल्ला सदस्य मेशलाल शर्मा, नेपाल महिला सँघ केन्द्रीय सदस्य दिलमाया पौवी लगायत नेता कार्यकर्ताले शुभकामना मन्तव्य व्यक्त गरेका थिए । कार्यक्रम सचिव टिकाराम पाण्डेले सञ्चालन गरेका थिए ।