बागलुङ- नेपाल प्रेस युनियन केन्द्रीय समितिले मुस्ताङको लोमाङथाङमा ‘अन्तराष्ट्रिय मिडिया समीट गर्ने भएको छ । यही चैत्र  २८ गते देखी बैशाख १ गने सम्म युनियनको मिडिया समिट लगायतका अन्य कार्यक्रका बारेमा विहिबार बागलुङका राजनितिक दल, जनप्रतिनिधि तथा नेपाल पत्रकार महासंघका पदाधिकारी एवं सदस्यहरु सँग युनियनको केन्द्र प्रदेशका पदाधिकारिको टोलीले छलफल तथा भेटघाट गरेको छ । 
युनियनका केन्द्रीय बरिष्ठ उपाध्यक्ष प्रेम केसी, पुर्व केन्द्रीय उपाध्यक्ष एवं नेपाल पत्रकार महासंघ गण्डकी प्रदेशका अध्यक्ष रमेश पौडेल, युनियनका उपाध्यक्ष ऋषिकान्त पौडेल, महासचिव दिलीप पौडेल सचिव नरहरी सापकोटा कोषाध्यक्ष माधव धिताल र गण्डकी प्रदेश समितिका अध्यक्ष टंकराज अधिकारी  लगायतको टोलीले बागलुङमा राजनीतिक दलका नेता, नेपाल पत्रकार महासंघ लगायतलाई जानकारी गराएका हुन् ।
नेपाली कांग्रेस बागलुङका सचिव हरिहर शर्मा, क्षेत्रीय सभापति चण्डीप्रसाद शर्मा लगायतका नेता तथा महासंघका पदाधिकारी तथा सदस्यहरु सँग मिडिया समिटलाई कसरी प्रभावकारी बनाउन सकिन्छ भन्ने विषयमा छलफल गरिएको  युनियनका बरिष्ठ उपाध्यक्ष प्रेम केसीले बताए । 
यो अभियानमा कम्तिमा २० देशका पत्रकार, अन्तराष्ट्रिय पत्रकार महासंघका अध्यक्ष सहित नेपाल पत्रकार महासंघका पूर्व अध्यक्षहरु, सबै संगठनका केन्द्रीय अध्यक्ष सहित पदाधिकारी र राष्ट्रिय तथा स्थानीय संचार माध्यममा काम गर्ने क्रियाशिल पत्रकार समेत गरी १ सय ५० बढीको सहभागिता रहने युनियनका महासचिव दिलिप पौडेलले जानकारी दिए ।  मिडिया समीट मार्फत काठमाण्डौ, पोखरा, लुम्ले, बागलुङ, म्याग्दी र लोमान्थाङ लगायतका स्थानको भ्रमण र पर्यटन प्रवद्र्दनका लागि रिपोर्टीङ समेत गरिने छ । साथै लोमान्थाङमा हुने कार्यक्रममा घोषणापत्र जारी समेत हुने बताइएको छ । त्यसका लागि आबस्यक पर्ने खर्च सहित यात्रालाई सुरक्षित बनाउने र फलदायी बनाउने बिषयमा केन्द्रीय टोलीले पूर्व तयारी गरेको महासचिव पौडेलले बताए । 
कार्यक्रममा नेपाली कांग्रेसका जिल्ला सचिव हरिहर शर्माले यो अभियानलाई गण्डकी प्रदेशकै पर्यटन र आर्थिक समृद्दिको आधार बारे प्रचार गर्ने र संभावना खोज्ने बिषयको बन्ने बताए । कार्यक्रममा केन्द्रीय उपाध्यक्ष केसीले अहिले सम्मकै ऐतिहासिक अभियान बनाउने प्रतिबद्दता जनाए । युनियका उपाध्यक्ष सुवास आचार्यको अध्यक्षता उपाध्यक्ष उषा पौडेलको स्वागत र सचिव डम्मर बुढा मगरको संचालनमा युनियनले राजनितिक दल र जनप्रतिनिधि सँग छलफल गरेको थियो । 
यसैबीच नेपाल पत्रकार महासंघ बागलुङका अध्यक्ष राम थापा अविरलले पनि महासंघको साथ र सहयोग हुने बताए । महासंघमा युनियनका टोलीलाई स्वागत समेत गरिएको थियो । कार्यक्रम सचिव नारायण रिजालको संचालनमा सम्पन्न भएको थियो