बागलुङ - बागलुङमा टिपर दुर्घटना हुँदा एक जनाको मृत्यु भएको छ । बागलुङ नगरपालिका ८, सिगानामा बा.२क ९२५८ नम्बरको टिपर दुर्घटना हुँदा ४३ वर्षीय राजु मोक्तानको मृत्यु भएको जिल्ला प्रहरी कार्यालय बागलुङले जनाएको छ । मकवानपुर जिल्ला घर भएका मुक्तानको सोही टिपरको चालक थिए । 
बागलुङ नगरपालिका वडा नम्बर ८ सिगानादेखि वडा नम्बर ३ काँठेखोला सामान लिन आएको टिपर दुर्घटना भएको हो । चालक मोक्तानको घटनास्थलमा नै मृत्यु भएको प्रहरी निरीक्षक भुपेन्द्र गिरीले जानकारी दिए । बागलुङ सदरमुकामदेखि गुल्मीको शान्तिपुर जोड्ने गरी निमार्ण भइरहेको सडकमा ढुवानी गर्दै आएको टिपर दुर्घटनामा परेको हो । उक्त टिपर घुम्ती मोड्ने क्रममा सडकदेखि दुई सय मिटर तल खसेको थियो ।