बागलुङ नगरपालिकाका नवनिर्वाचित नगर प्रमुख बसन्त कुमार श्रेष्ठ र नगर उप प्रमुख राजु खड्काले एक कार्यक्रमका बिच आफ्नो पदभार ग्रहण गरेका छन् ।

बैशाख ३० गते भएको स्थानीय निर्वाचन बाट सर्वाधिक मत ल्याएर निर्वाचित भएका नगर प्रमुख श्रेष्ठले बागलुङ नगरपालिकामा पुगेर शुक्रबार बिहान ९.३० बजे नगर प्रमुखको कार्यकक्षमा पुगेर नगर प्रमुखको जिम्मेवारी सम्हालेका हुन् । यस्तै बागलुङ नगरपालिकाकाे नगर उप प्रमुख पदमा सर्वाधिक मत ल्याएर निर्वाचित भएका राजु खड्काले पनि आफ्नो कार्यकक्षमा पुगेर नगर उप प्रमुखको जिम्मेवारी सम्हालेका छन् ।

बागलुङ नगरपालिकाका प्रमुख प्रशासकीय अधिकृत पुरूषाेत्तम सापकोटाले नवनिर्वाचित नगर प्रमुख श्रेष्ठ र नगर उप प्रमुख खड्कालाई नगरपालिकाकाे तर्फबाट स्वागत गर्नु भएको थियो । नवनिर्वाचित नगर प्रमुख उप प्रमुखलाई राजनीति दलका नेता उद्धमी ,ब्यवसायी ,संचारकर्मि ,नगरपालिका कर्मचारीले पनि फूल खादा बाट स्वागत गरेका थिए ।

बागलुङ नगरपालिकाकाे स्वागत पछि नगर प्रमुख उप प्रमुख र वडा अध्यक्ष सहितको बैठक बसि नगरपालिकामा सेवा लिन आउने सेवाग्राहीलाई पहिलो प्राथमिकतामा राखेर सेवा दिनका लागि नगर प्रमुख बसन्त कुमार श्रेष्ठले आग्रह गर्नु भएको थियोे ।