नारायण रिजाल, बागलुङ । बागलुुङका २२ जना बालबालिका एचआइभी संक्रमित रहेको पाइएको छ । धौलागिरी पोजेटिभ समुह बागलुङले सार्वजनिक गरेको तथ्याङ्क अनुसार १८ वर्षभन्दा कम उमेरका १९ जना र त्यो भन्दा माथिका ३ जना गरी कुल २२ जना रहेका छन । पोजेटिभ समुहले एचआईभी संक्रमित बालबालिकाका लागि संचालन गर्दै आएका कावा कार्यक्रम आवद्ध रहेका २२ जना मध्ये उमेर हदका कारण ३ बयस्क ठहरिएका हुन बाँकी १९ जनालाई उक्त कार्यक्रममा आवद्ध गराईएको छ । 
ग्लोवल फण्ड सेभ द चिल्डेन एनएपिएनको सहयोगमा एचआईभी संक्रमित बालबालिकाहरुलाई सहयोग पु¥याउँदै आएको सो संस्थाले ती बालबालिकालाई हाल मासिक एक हजार रुपैयाँ निर्वाह सहयोग भत्ता उपलब्ध गराउँदै आएको धौलागिरी पोजेटिभ समुहका अध्यक्ष चन्द्रबहादुर खत्रीले जानकारी दिए ।
संस्थाले जिल्लास्थित सरोकारवालाको बैठकमा हाल नियमित रुपमा १९ जना बालबालिकालाई मासिक रुपमा सहयोग रकम उपलब्ध गराएको जनाएको छ । दातृ निकायको सहयोगमा नेपाल सरकार सँग समन्वय गरी हरेक जिल्लामा कावा कार्यक्रम अन्तरगत संक्रमित बालबालिकालाई नियमित रुपमा मासिक १ हजारका दरले सहयोग रकम प्रदान गरिँदै आएको अध्यक्ष खत्रीले बताए । ‘संक्रमित बालबालिकालाई पोषण, लगायत अन्य आवश्यक सहयोगका लागि यो कार्यक्रम संचालन भएको हो अध्यक्ष खत्रीले भने—‘कार्यक्रम निकै प्रभावकारी छ । तर मासिक एक हजार रुपैयाँ कम नै भएको छ । माथिल्ला निकायबाट आएको सूूचना अनुुसार आगामी फेब्ब्रुुवरी देखी बालबालिकाका लागि २ हजार रुपैयाँ हुने कुरा आएको छ तर यो कार्यक्रम यही डिसेम्बरमा नै सकिँदै छ बागलुङ पुन थपका लागि पहल थालेका छौं । ’ सहयोग संस्थाले नियमित प्रदान गर्दै आएको कार्यक्रमको अवधि पनि समाप्त हुने हुँदा संक्रमितलाई आउँदो दिनमा सेवा दिनको लागि कसरी व्यवस्थापन गर्ने भन्ने संस्थालाई चिन्ता रहेको अध्यक्ष खत्रीको भनाई छ । 
 संस्थाले बागलुङको धौलागिरी अस्पतालमा रहेको एआरटी सेन्टरमा औषधी लिन आउने संक्रमितको लागि हेरचाह केन्द्र समेत संचालन गरेको छ । केन्द्रमा संक्रमितलाई खाना,वस्नको व्यवस्थाका साथै मनोबैज्ञानिक परामर्श र जतिलता भएका संक्रमित बिरामीलाई रेफरका लागि पनि केहि राहत प्रदान गरिने व्यवस्था रहेको संस्थाले जनाएको छ ।
 जिल्लामा हाल कुल २०७ जना एचआईभी संक्रमित रहेको स्वाथ्य कार्यालय बागलुङका क्षयकुष्ठ निरिक्षक अधिकृत देवप्रकाश घिमिरेले बताए । संक्रमित मध्य हाल १५२ जनाले धौलागिरी अस्पताल बागलुङमा रहेका एआटी सेन्टरबाट नियमित एआरभी औषधी प्रयोग गर्दै आएका छन । पछिल्लो समयमा जिल्लामा एचआईभीका कारण मृत्युदर कम भएता पनि संक्रमण हुनेको दर भने नरोकिएको घिमिरेले बताए । जिल्लाका केही स्थानिय तहले एचआईभी संक्रमितका लागि  औषधी उपचारमा सहज होस भन्ने उद्देश्यले  निःशुल्क स्वास्थ्य विमाको व्यवस्था गरेता पनि सवै संक्रमितलाई विमाको दायारामा ल्याउन नसकिएको घिमिरेल बताए । सवै संक्रमितलाई विमाको दायारामा ल्याएर उपचारमा सहज बनाउन स्वास्थ्य कार्यालयले पहल थालेको छ । ‘२०७ संक्रमित मध्ये हाल १७८ जना स्वास्थ्य विमाको दायारामा हुनुहुन्छ । यसका लागि जिल्लाका केही स्थानिय तहले आफै पहल थालेका छन घिमिरेले भने,—‘केहीलाई विभिन्न संस्थाले पनि सहयोग गरेका छन तर केही संक्रमित खुल्न नचाएका कारण विमामा आवद्ध गराउन सकिएको छैन ।’ उनले स्वास्थ्य विमामा आवद्ध भएमा औषधी उपचारका लागि सहज हुने बताए । एचआईभी संक्रमित एआरभी औषधी लिन र सिडिफोर गर्नका लागि टाढा टाढाबाट आउने हुँदा उनिहरुका लागि यातायातको समस्या रहेको अध्यक्ष खत्रीले बताए । खत्रीले जिल्लाका केही स्थानिय तहल यस क्षेत्रमा राम्रो सहयोग गरेकाता पनि केही स्थानिय तहले संक्रमितको पक्षमा कुनै सहयोग नगरेको बताए । उनले सवै स्थानिय तहमा संक्रमित रहेको हुँदा पालिकाले एआटी सेन्टरमा आउनका लागि यातायात खर्च मात्र पनि उपलब्ध गराएका संक्रमितलाई सहज हुुने बताए ।