बागलुङ - अन्तर्राष्ट्रिय बागलुङ समाजले आयोजना गरेको अन्तर्राष्ट्रिय बागलुङ समाज कप—२०८२ पालिकास्तरीय पुरुष भलिबल प्रतियोगिताको विभिन्न खेल सम्पन्न भएका छन् । बिहीबार लिग चरणका ५ खेल सम्पन्न भएसंगै शुक्रबारदेखि नक आउट चरणको खेल सुरु हुनेछ । बिहीबार भएको पहिलो खेलमा बरेङ गाउँपालिकाले बागलुङ नगरपालिकालाई पराजित गरेको छ ।
 बरेङले ३—२ सेटमा बागलुङ नगरपालिकालाई पराजित गरेको हो । बरेङ गाउँपालिकाले पहिलो सेट २५—२० ले आफ्नो पक्षमा पा¥यो । दोस्रो सेट २६—२४ मा बागलुङ नगरपालिकाले जित्दा तेस्रो सेट ३०—२८ ले बरेङ गाउँपालिकाको पोल्टामा पुग्यो । चौथो सेटमा २७—२५ ले जितेको बागलुङ नगरपालिका अन्ति तथा पाँचौं सेटमा भने १६—१४ ले पराजित हुनु पुग्यो । दोस्रो खेलमा निसीखोला गाउँपालिका विजयी भएको छ । निसीखोलाले ताराखोला गाउँपालिकालाई पराजित गरेको हो ।
 पहिलो सेट २५—२१ ले जितेको निसीखोलाले दोस्रो सेट २५—२२ ले गुमाउन पुग्यो । तेस्रो सेट २५—१८ ले जित्दै खेलमा फर्किको निसीले चौथो सेट २५—१६ ले जित्दै खेल आफ्नो पक्षमा पा¥यो । बिहीबारै भएको तेस्रो खेलमा गलकोट नगरपालिकाले सोझो सेटमा जैमिनी नगरपालिकाई पराजित गरेको छ । गलकोटले पहिलो सेट २५—१९, दोस्रो सेट २५—२३ र तेस्रो सेट २५—१४ ले जित्यो । चौथो खेलमा ढोरपाटन नगरपालिकालाई पराजित गर्दै काठेखोला गाउँपालिकाले अर्को चरणको यात्रा तय गरेको छ । पहिलो सेट २५—२० ले गुमाएको काठेखोलाले उत्कृष्ट पुनरागमन गर्दै ३—१ सेटले खेल जितेको हो । दोसैो सेट २५—११, तेस्रो सेट २५—२० र चौथो सेट २५—२२ ले काठेखोलाले आफ्नो पक्षमा पारेको हो । 
अन्तर्राष्ट्रिय बागलुङ समाजको आयोजनामा जिल्लामा सर्वाधिक पुरस्कार राशीको पालिका स्तरीय पुरुष भलिबल प्रतियोगिताको विहिबार उद्घाटन गरिएको छ । बागलुङ नगरपालिका–४ उपल्लाचौरस्थित दावगरा बसपार्कमा आयोजना गरिएको प्रतियोगिताको जिल्ला समन्वय समिति बागलुङका प्रमुख अमरबहादुर थापाले उद्घाटन गरेका छन । 
उद्घाटन पश्चात बोल्दै थापाले समाजले आफ्नो जन्मभुमी प्रतिको दायित्व बोध गर्दे गरेको खेलकुदका कार्यक्रमले यहाँका युवालाई आर्कषण गरेको बताए । उनले विदेशमा रहेर पनि नेपाली खेलकुद क्षेत्रलाई गरेको माया प्रति समाजलाई धन्यबाद प्रकट गरे । कार्यक्रममा बोल्दै बागलुङ नगरपालिकाका नगरप्रमुख बसन्त कुमार श्रेष्ठले समाजले जिल्लाबासीको सुःख दुःखमा काम लाग्ने मलम भएको बताए । उनले आफु जन्मेको माटो र आफु हिड्ने बाटोलई निरन्तर सम्झिरहन आग्रह समेत गरे । कार्यक्रममा बागलुङका प्रमुख जिल्ला अधिकारी कुमानसिंह गुरुङले भलिबल खेलले भित्रताको भावना प्रदा गनेबताए । 

कार्यक्रम अन्तराष्ट्रिय बागलुङ समाजका सचिव तथा प्रतियोगिता संयोजक राजु थापाको अध्यक्षता, जिल्ला भलिबल संघका अध्यक्ष योगेश भण्डारीको स्वागत तथा भव बहादुर कुँवर क्षत्रीको सञ्चालनमा सम्पन्न भएको थियो । खेलमा बागलुङका १० पालिकाको १० समूह सहभागी रहेको समाजले जनाएको छ ।
प्रतियोगितामा प्रथम पुरस्कार नगद २ लाख मेडल ट्रफी र प्रमाणपत्र, द्वितीय पुरस्कार नगद एक लाख मेडल ट्रफी र प्रमाणपत्र, तृतीय पुरस्कार नगद ५० हजार मेडल ट्रफी र प्रमाणपत्र र सान्त्वना पुरस्कार नगद २५ हजार राखिएको छ ।  विधागत पुरस्कारतर्फ सर्वोत्कृष्ट खेलाडी खेलाडी नगद १० हजार, उत्कृष्ट स्पाईकर, उत्कृष्ट सेटर, उत्कृष्ट मिडिल ब्लकर, उत्कृष्ट डिफेन्स र उदयमान खेलाडीलाई पनि नगद पाँच पाँच हजारका दरले पुरस्कारको व्यवस्था गरिएको छ । प्रतियोगितामा सहभागी हुन आउने टिमलाई समाजले सहभागी खाजा खर्च वापत प्रति टिम नगद २५ हजार रुपैयाँ समेत उपलब्ध गराएको छ ।