बागलुुङ, - पछिल्लो समयमा निकै लोकिप्रय खेलको रुपमा रहेको क्रिकेट खेलमा महिलालाई आकर्षण गर्नका लागि बागलुङमा ‘महिला क्रिओ फेष्टीबल’को आयोजना गरिएको छ । नेपाल क्रिकेट संघ बागलुङको आयोजना र बागलुङ नगरपालिका, क्यान नेपाल क्यान गण्डकी लगायतका संस्थाको सहयोगमा बागलुङमा छात्राहरुका लागि लक्षित गरी महिला क्रिलो उत्सव’ शुरु गरिएको छ ।  नेपालमा पनि क्रिकेटको मोह बढ्दै गएको र महिला खेलाडीको संख्या कम भएको बेलामा विद्यार्थी समय देखी नै खेलप्रति आर्कषण गर्नका निम्ती फेष्टिबलको आयोजना गरिएको क्यान बागलुङका अध्यक्ष विष्णुप्रसाद आचार्यले जानकारी दिए । दुई दिन सम्म संचालन हुने उत्सवमा क्रिकेट क्षेत्रमा छात्राहरुको चाहना बढाउने, खेल बारे जानकारी दिने र आवश्यक प्रशिक्षण समेत गराउने कार्यक्रम रहेको आचार्यले बताए । क्रिओ उत्सवमा जिल्लाका २१ विद्यालयमा अध्ययन गर्ने झण्डै २ सय छात्राहरु सहभागि भएका छन् ।
ती छात्राहरुलाई आवस्यक तालिम दिएपछि भोलीका दिनमा देशले क्रिकेट क्षेत्रमा महिला खेलाडी उत्पादनमा सहयोग पुग्ने क्यान बागलुङका सचिव फणिन्द्र खड्काले जानकरी दिए । पहिलो चरणमा क्यानले बागलुङ नगरपालिका भित्रका २१ विद्यालयमा अध्ययन गर्ने छात्रालाई उत्सवमा सहभागी गराएको छ ।  
पछिल्लो समय बढीरहेको क्रिकेट मोहलाई थप जागृत गराउने र खेलमा आउन चाहने छात्रालाई व्यवस्थापन गर्ने लक्ष्यले यो उत्सव संचालन गरिएको बागलुङ नगरपालिकाका नगरप्रमुख बसन्त कुमार श्रेष्ठ बताउँछन । उत्सवको उद्घाटन गर्दै उनले खेल क्षेत्रमा बढ्दो आर्कषणलाई संस्थागत गर्न पहल भएको बताए । श्रेष्ठले नेपालमा क्रिकेट खेलको मोह बढ्दै गएको र खेलाडी पनि राम्रो भएका कारण आगामी दिनमा पनि अझै राम्रा खेलाडी उत्पादन गर्न यस्ता कार्यक्रमल सहयोग पु¥याउने बताए । श्रेष्ठले नगर क्षेत्रमा हुने खेलमा नगरले पनि आवशयक सहयोग गर्ने भन्दै राज्यले पनि खेलमा लगानी बढाउन सकेमा युवाहरुको आर्कषण बढ्ने बताए । त्यसबाट छात्रा खेलाडीले आत्मरक्षा गर्न सक्ने, खेलबाट महत्वपूर्ण उपलब्धी हासिल गरेर देशको नाम राख्न सक्ने र युवा रोजगारी बढ्ने बताए ।
दुई दिन सम्म संचालन हुने फेष्टिबलमा क्रिकेट सम्बन्धी जानकारीका साथै अन्य मनोरञ्जानात्मक कार्यक्रमहरु संचालन हुने क्यान बागलुङले जनाएको छ । 

कार्यक्रममा बागलुङ नगरपालिका वडा नं. २ का अध्यक्ष सुरज बोसेल, खेलकुद क्षेत्रका अगुवा र खेलाडी समेत सहभागि भएका थिए ।  उत्सवले महिला क्रिकेटको क्षेत्रमा योगदान पुग्ने विश्वास लिइएको छ । पछिल्लो समय नेपाली खेलाडीमा क्रिकेटको लगाव र प्रभाव बढ्न थालेको छ ।