बागलुङ-  जिल्लाको जैमिनी नगरपालिका- १० राङखानीमा पिकअप जिप दुर्घटना हुँदा ३ जना घाईते भएका छन । शुक्रवार दिउसो ध १ च ६२ नम्बरको बिजुलीको सामान बोकेर गएको पिकअप जिप राङखानीको  भेडिखर्क भन्ने स्थानमा सडक देखि  १ सय मीटर तल खसेको जिल्ला प्रहरी कार्यालय बागलुङका प्रहरी नायव उपरिक्षक गंगाबहादुर थापाले बताए ।
घटनामा घाईते जैमिनी १० का ३५ बर्षिय भरत पुन र बडिगाड गाउँपालिका ७ का चुडा बहादुर  श्रीसलाई  श्री एयरलाइन्सको हेलिकोप्टर मार्फत थप उपचारका लागि ग्राण्डी हस्पिटल काठमाडौैमा पठाईएको जैमिनी नगरपालिकाका नगर उपप्रमुख हरिहर शर्माले जानकारी दिए । घटनामा अर्का घाईते बडिगाडका  सञ्जिव रजालीलाई गण्डकी मेडिकल कलेज पोखरा र सामान्य घाईते भएका महेन्द्र नेपालीलाई पर्वत हस्पिटलमा थप उपचारका लागि पठाईएको छ ।