बागलुङ- नेपाल आदिवासी जनजाति पत्रकार महासंघ (फोनिज) बागलुङको अध्यक्षमा डम्मर बुढा मगर सर्वसम्मत चयन भएका छन् । फोनिज बागलुङको मंगलबार सम्पन्न चौथो जिल्ला अधिवेशनले बुढा मगरको अध्यक्षतामा ११ सदस्यीय नयाँ समिति चयन गरेको हो । यस अघि सचिव रहेका बुढा विगत १ दशक देखी बागलुङमा पत्रकारिता क्षेत्रमा क्रियाशिलता छन । रासस धौलागिरी जागरण दैनिक पब्लिक फोरके टिभी लगायतमा संचारमा माध्ययममा कार्यरत बुढा नेपाल पत्रकार महासंघको सहसचिव हुन भने नेपाल प्रेस युनियन बागलुङको सचिव समेत हुन ।  

समितिको उपाध्यक्षमा मञ्जुल शाक्य, सचिवमा बल बहादुर रोका मगर, सहसचिव सर्मिला रोका मगर र कोषाध्यक्ष तिलक घर्ति मगर सर्वसम्मत चयन भएका छन् ।

यस्तै सदस्यहरुमा भूमा तारामी मगर, राजेन्द्र श्रेष्ठ, शेखर थापा मगर, सुरेश छन्त्याल, शिशिर श्रीस र ज्योति थापा मगर रहेका छन् । यस्तै अधिवेशनले प्रदेश प्रतिनिधि र केन्द्रीय प्रतिनिधि समेत चयन गरेको छ । प्रदेश प्रतिनिधिमा पदम छन्त्याल (प्रकाश), याम बहादुर थापा र छलिता बुढा मगर रहेका छन्भने केन्द्रीय प्रतिनिधिमा राजेशचन्द्र राजभण्डारी र संगम घर्ति मगर सर्वसम्मत चयन भएका छन् ।

अधिवेशनको उद्घाटन गर्दै काठेखोला गाउँपालिकाका अध्यक्ष राजु थापाले देशलाई राम्रो दिशामा लैजानको लागि पत्रकारहरुले भुमिका खेल्नुपर्ने बताए । उनले भ्रष्टचारका विरुद्ध र सुशासनका पक्षमा पत्रकारहरु एक भएर कलम चलाउनुपर्ने बताए ।

उद्घाटन सत्रमा फोनिज गण्डकी प्रदेशका इन्चार्ज एमवि आस्था, फोनिज गण्डकी प्रेदेशका अध्यक्ष रुद्रबहादुर श्रीस, नेपाल पत्रकार महासंघ बागलुङका सचिव नारायण रिजाल र प्रगतिशिल पत्रकार संघका केन्द्रीय सचिव ताराप्रसाद शर्माले शुभकामना मन्तव्य गरेका थिए ।

फोनिज बागलुङका अध्यक्ष प्रकाश छन्त्यालको अध्यक्षतामा सम्पन्न भएको उद्घाटन सत्रमा सदस्य बल बहादुर रोकाको स्वागत र सचिव डम्मर बुढा मगरले संचालन गरेका थिए ।