बागलुङ - गण्डकी प्रदेशका मुख्यमन्त्री सुरेन्द्रराज पाण्डेले गण्डकी प्रदेशलाई धार्मिक पर्यटनको हवको रुपमा विकास गर्ने बताएका छन । उनले यस क्षेत्रलाई धार्मिक पर्यटकको आर्कषण गन्तव्यको रुपमा विकास गर्ने प्रदेश सरकारको सोच रहेको बताए । बागलुङ कालिका गुठी व्यवस्थापन समितिले हरेक वर्ष आयोजना गर्ने ऐतिहासिक चैत्राष्टमी मेला एवं धार्मिक सम्मेलनको उद्घाटन गर्दै मुख्यमन्त्री पाण्डेले यस क्षेत्रमा धार्मिक पर्यटन क्षेत्रको सम्भावना रहेको बताए । 
उनले गण्डकी प्रदेशमा भएका ऐतिहासिक मठ मन्दिर र यहाँका धार्मिक सम्पदा घुम्न आउने पर्यटकलाई यही राख्नका निम्ती प्रदेश र स्थानिय सरकारले  नयाँ आयामहरु सोच्न जरुरी रहेको बताए । ‘यहाँ आउने पर्यटकलाई यही बसौ बसौ बनाउँ । गण्डकी प्रदेश बाहिर पनि प्रवद्र्धन गरौं मुख्यमन्त्री पाण्डेले भने,–‘हाम्रो धर्म संस्कृति र परम्परालाई पर्यटनको माध्ययमबाट प्रचार प्रसार गरौं यस क्षेत्रमा धेरै सम्भावना छन हाम्रो संस्कृतिको पनि जगेर्ना हुन्छ प्रवद्र्धन पनि ।’
उनले नेपाल बहुजातिय बहुसांस्कृतिक देश भएको हुँदा यहाँको भाषा र संस्कृतिलाई संरक्षण गर्नुपर्नेमा जोड दिए । उनले राज्यले कुनै पनि धर्म जात संस्कृति भाषा प्रति विभेद गर्न नहुँदै भन्दै यस्तो सदभाव खलबलाउने जो कोहीलाई पनि कानुनी दायारामा ल्याउन जरुरी रहेको बताए । 
‘यहाँ बहुभाषिक बहुधार्मिक बहुजातीय संप्रदायको बसोबास छ । आफ्नै परम्परा छन, आफ्नै सदभाव छ मुख्यमन्त्री पाण्डेले भने,‘ भने हाम्रो परम्परा र सदभाव कसैले पनि खलबलाउनु हुँदैन पछिल्ला दिनमा केही तत्वले विभिन्न बाहना देशमा आएको व्यवस्था माथि नै प्रतिकार गर्न खोजेका छन त्यो नेपाली जनतालाई शैय हुँदैन । संविधानको मर्म अनुसार सवैले काम गर्न जरुरी रहेको छ र मुलुकमा सामाजिक सदभाव कायम राख्न आवश्यक रहेको छ । ’
पाण्डेले चैत्राष्टमी मेला एउटा इतिहास बोकेको मेला भएका हुँदा यसको प्रवद्र्धनका निम्ती सवै क्षेत्रको सहयोगको आवश्यक रहेको बताए । उनले यहाँ उत्पादन हुने स्थानिय वस्तुको बाजारिकरणका लागि पनि मेलाले ठुलो सहयोग पु¥याएको बताए । 

बुधबार देखी सुरु भएको चैत्राष्टमी मेला चैत्र २५ गते सम्म संचालन हुने छ ।  चैते दशैंका अवसमा कालिका भगवती मन्दिर दर्शनका लागि लाखौं दर्शनार्थीहरु आउने गरेका छन् ।
पर्यटन प्रवद्र्धन, संस्कृतिको संरक्षण, स्थानीय उत्पादनको प्रचारप्रसार र परम्पराको निरन्तरता दिने उद्देश्यले मेला आयोजना गरिँदै आएको गुठी व्यवस्थापन समितिका अध्यक्ष कुमार  खड्काले जानकारी दिए । पछिल्ला वर्षहरूमा विभिन्न ठाउँहरुमा व्यापारिक मेलाहरु आयोजना हुने गरेको भएपनि नेपालकै प्राचीन मेला मानिएको यो मेलाको आफ्नै महत्व र इतिहास रहेको पाका पुरानाहरु बताउछन् ।
चैते दशै मेलामा घरायसी प्रायोजनका सामाग्रीहरु डाला, नाङ्ला, ठेका, हातहतियार लगायतका बस्तुहरुको परम्पराकालदेखिनै किनमेल हुने गरेको छ । चैते दशैमा बागलुङ कालिका मन्दिरमा टाढा–टाढाका जिल्ला र भारतबाट समेत भक्तजनहरुको आगमन हुने गरेको छ ।  मेलामा पालिका स्तरीय पुरुष भलिवको बिजेतालाई नगद २ लाख ट्रफि, मेडल र प्रमाण पत्र, द्धितीय हुनेलाई नगद १ लाख ट्रफि, मेडल र प्रमाण पत्र, सेमिफाइनल पुग्ने समुहलाई नगद २५ हजार सहित मेडल र प्रमाणपत्र तथा उत्कृष्ट खेलाडिलाई नगद ५ हजार, ट्रफि र प्रमाण पत्र प्रदान गरिने भएको छ । त्यसैगरी खुल्ला महिला भलिबल प्रतियोगिता, छेलो प्रतियोगिता र दोहोरी गित प्रतियोगिता समेत आयोजना गरिएको कालिका भगवती गुठी व्यवस्थापन समितिका उपाध्यक्ष निशान खडकाले जानकारी दिए । मेलामा राष्ट्रिय कलाकारहरुको प्रस्तुती रहने छ । 
मेला उद्घाटनकै अवसरमा कालिका भगवती गुठीले हरेक वर्ष प्रदान गर्ने कालिका पत्रकारित पुरस्कारबाट यस वर्ष तिन जना पत्रकारलाई पुरस्कृत गरेको छ । पत्रकार महासंघका पूर्व अध्यक्ष मुकेशचन्द्र राजभण्डारी महासंघका सचिव नारायण रिजाल र कोषाध्यक्ष खेमराज गौतम सुवासलाई यस वर्षको कालिका पत्रकारित पुरस्कार प्रदान गरिएको हो । 
कार्यक्रममा गुठी संस्थाका केन्द्रीय अध्यक्ष डा. शिवराज पण्डित, जानकी मन्दिरका उत्तराधिकारी रामरोशन दाश, बागलुङ नगरपालिकाका नगरप्रमुख बसन्त कुमार श्रेष्ठ लगायतले चैत्राष्टमी मेला तथा धार्मिक सम्मेलनको सफलताको शुभकामना व्यक्त गरेका थिए । 
गुठी संस्थाले आयोजना गरेको धार्मिक सम्मेलमा देशका विभिन्न शक्तिपिठ तथा गुठी संस्थानबाट प्रतिनिधिहरु बागलुङ आएका छन । सम्मेलनमा कार्यपत्र समेत प्रस्तुत गरिएको अध्यक्ष खड्काले जानकारी दिए । 
कार्यक्रम कालिका भगवती गुठीका अध्यक्ष खड्काको अध्यक्षता, उपाध्यक्ष निशान खड्काको स्वागत र गुठी संस्थानका राजेश दाहालको संचालनमा सम्पन्न भएको थियो ।