बागलुङ-  स्थानिय तहको निर्वाचन नकिकिए सँगै यतिबेला दलहरु उम्मेदवार छान्नका लागि कसरतमा छन । कुन पालिकामा कसलाई छान्दा आफ्नो पक्षमा आउँछ त्यो छलफलमा रहेका छन । दल भित्रै आक‌क्षी पनि धेरै छन । जिल्लाको ढोरपाटन नगरपालिकाको नगर प्रमुखमा नेकपा एमालेले भने पुन  देव कुमार नेपालीलाई सर्वसम्मत सिफारिस गरेको छ ।

बाहालवाला नगरप्रमुख नेपालीलाई नेकपा एमाले ढोरपाटन नगर कमिटिले आगमी स्थानीय तहको निर्वाचनमा पुन नगर प्रमुखको उम्मेद्वार उठाउने निर्णय गरेको नेकपा एमाले ढोरपाटन नगर कमिटिका सचिव ज्ञान प्रसाद कंडेलले जानकारी दिए । उनी नेकपा (एमाले) गण्डकी प्रदेश कमिटी सचिबालय सदस्य हुन । गत स्थानिय तहको निर्वाचनकै समयमा नेकपा माओबादीबाट नेकपा एमाले प्रवेश गरेका नेपालीले निर्वाचन जितेका थिए । नगरप्रमुख भए सँगै यस क्षेत्रमा झनै लोकप्रिय भएका नेपालीलाई एमालेले पुन उम्मेदवार बनाउने निर्णय गरेको छ ।नगर उपप्रमुखमा वर्तमान उपप्रमुख करमती पुन र एमाले जिल्ला कमिटि सदस्य अस्मिता भण्डारीलाई सिफारिस गरेको सचिव कंडेलले जानकारी दिए ।