बागलुङ- पुर्व शिक्षा मन्त्री एवं  प्रतिनिधि सभा सदस्य  देवेन्द्र पौडेलले शिक्षकहरुको शिक्षण सिकाई क्रियाकलापमा राज्यले प्रोहोत्साहन गर्नुपर्ने बताएका छन । बागलुङ नगरपालिका–४ ओढारचौरमा रहेको  देउराली आधारभुत विद्यालयको नवनिर्मित चारकोठो भवनको उद्घाटन कार्यक्रममा बोल्दै पौडेलले  शिक्षकको पेशागत सुधार गर्न सके गुणस्तरीय शिक्षामा सहयोग हुने बताए । उनले पछिल्लो समयमा सामुदायिक विद्यालयको शैक्षिकस्तर खस्कँदै गएको बताउँदै  संख्याको आधारमा नभई गुणस्तरको आधारमा विद्यालयको मुल्याङ्कन गर्न आवश्यक रहेको बताए ।  

पौडेलले शिक्षकलाई पनि निजामती कर्मचारी सरह सेवासुविधाको प्रबन्ध गर्न सेक शिक्षाका गुणस्तर वृद्धि हुनेमा आफ विश्वस्त रहेको बताए । नेपपा माओवादी केन्द्रका सचिव समेत रहेका पौडेलले राज्यले शिक्षकहरुको सेवालाई उचित मुल्याङकन गर्न नसकेको बताए । उनले सेवासुविधा र अवसरमा शिक्षकलाई विभेद नगर्ने हो भने शिक्षक पेशाप्रति आकर्षण बढ्दै जाने बताए ।  

आफू शिक्षामन्त्री हुँदा सार्वजनिक शिक्षा सुधारका लागि मन्त्रालयले ५५ बुँदे योजना बनाएर काम थालेको स्मरण गर्दै ति काम कति के भए त्यसको बारेमा सवै जानकार हुन जरुरी रहेको बताए । हामीले संघिय शिक्षा ऐन ल्याउने काम अगाडी बढाएका थियौं । तत्यसमा के भएको छ तत्काल ल्याउनुपर्ने आवश्यक पनि छ पौडेललेभ ने शिक्षा ऐन ल्याएर यस क्षेत्रमा धेरै सुधार गनुपर्ने आवश्यक रहेको छ यसमा अहिलेको सरकारले पनि चासो दिन जरुरी रहेको छ । उनले  राष्ट्रपति शैक्षिक सुधार कार्यक्रम जिल्लामा धेरै विद्यालयको भौतिक पुर्वाधार विकास भएको बताए । 
यस विद्यालयमा उक्त कार्यक्रम अन्तरगत  ५० लाखमा निर्माण भवन निर्माण भएको थियो । 

कार्यक्रममा बागलुङ नगरपालिकाका नगर उपप्रमुख राजु खड्का, बानपा ४ का वडा अध्यक्ष कुमार बिक्रम क्षेत्री, पूर्व वडा अध्यक्ष धुर्व केसी, बागलुङ नगरपालिका शिक्षा शाखा अधिकृत पुर्णबहादुर घर्ती, नेपाल पत्रकार महासंघ बागलुङका सचिव नारायण रिजाल र निवृत पूर्व प्रधानाध्यापक रामबहादुर केसीले मंतव्य व्यक्त गरेका थिए। कार्यक्रममा निवृत पूर्व प्रधानाध्यापक रामबहादुर केसी लगाएत बिद्यालयलाई आर्थिक, भौतिक रुपमा सहयोग गर्ने सहयोगदातालाई सम्मान गरिएको थियो । विद्यालयका प्रधानाध्यापक लक्ष्मी अर्याल आचार्यले प्रगति प्रतिवेदन प्रस्तुत गरेकी थिईन । कार्यक्रम बिद्यालय व्यवस्थापन समितिका अध्यक्ष बिष्णुकुमारी शर्माको अध्यक्षता, शिक्षक उमाकान्त शर्माको स्वागत र स्थानियवासी एव  धौलागिरी बहुमुखी क्याम्पसका उपप्राध्यापक प्रकाश शर्माको संचालनमा सम्पन्न भएको थियो ।