बागलुङ- बागलुङको निसीखोलामा यात्रुबहाक बस दुर्घटना हुँदा २१ जना घाईते भएका छन । मध्यपहाडी लोकमार्गको बागलुङ खण्ड अन्तरगत निसीखोला गाउँपालिका ६ जाहुलेपानी भन्ने स्थानमा बस दुर्घटना भएको छ । रुकुमबाट काठमाण्डौ आउदै गरेको ना ८ ख ८४१४ नम्बरको बसमा ४०  देखी ४५ जना यात्रु सवार रहेको प्रारम्भिक जानकारीमा आएको जिल्ला प्रहरी कार्यालय बागलुङका सूचना अधिकारी सुनिल शर्मा चिलवालले जानकारी दिए । चिलवालका अनुसार दुर्घटनमा चार जना गम्भिर र १७ जना सामान्य घाइते भएका छन् ।

काठमाण्डौका लागि छुटेको रात्री वस दिउँसो ४ः ३० बजे समयमा दुर्घटना भएको थियो । घाईतेको उपचारका लागि ढोरपाटन नगरपालिकाको बुर्तिबाङ प्राथमिक स्वास्थ्य केन्द्रमा पठाईएको छ । बस  ब्रेकफेल भएर दुर्घटना भएको प्रारम्भिक अनुमान प्रहरीको रहेको छ । घटनाको थप विवरण भने आउन बाँकी रहेको छ ।दुर्घटनामा चालक भने सकुशल रहेको बताईएको छ । घटनास्थलमा उद्धारका लागि प्रहरीको टोली पुगेको जानकारीमा आएको छ ।