काठमाडौँ। कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी नेपाल प्रिमियर लिग (एनपीएल) अन्तर्गत आज दुई वटा प्रतिस्पर्धात्मक खेलहरू हुँदै छन्।
आजको पहिलो खेलमा मध्याह्न १२ बजे कुशल मल्लको कप्तानीमा रहेको चितवन राइनोज र सन्दीप लामिछानेको नेतृत्वमा रहेको विराटनगर किङ्ग्स आमनेसामने हुनेछन्।

यस्तै साँझ ५ बजे हुने दोस्रो खेलमा हर्मित सिंहको कप्तानीमा रहेको जनकपुर बोल्ट्स र सोमपाल कामीको नेतृत्वमा रहेको कर्णाली याक्सबीच प्रतिस्पर्धा हुनेछ।

कात्तिक ९ गतेदेखि सुरु भएको र कुल आठ टोली सहभागी यस प्रतियोगिताको पहिलो दिन हिजो भएको उद्घाटन खेलमा लुम्बिनी लायन्सले सुदूरपश्चिम रोयल्सलाई ७ विकेटले पराजित गर्दै विजयी सुरुवात गरेको थियो। एनपीएलको फाइनल भिडन्त आगामी मङ्सिर ५ गते हुनेछ।