बागलुङ- बागलुङ नगरपालिका —१३ पैयुँपाटामा भान्सा सुधार तालिम सम्पन्न भएको छ । धौलागिरी आर्युवेदिक अस्पताल बागलुङको प्राविधिक सहयोग वलेवा आर्युवेद औषधालय र स्थानिय वडा स्तरीय महिला संजालको आयोजना साथै वानपा १३ वडा कार्यालयको आर्थिक सहयोगमा तालिम सम्पन्न भएको हो । 
हाम्रो घर आगन र भान्सामै पाईने जडबुटी सम्बन्धीको ज्ञान दिने र पौराणिक खाना पर्वद्धन गर्ने उद्देश्यका साथ तालिम संचालन गरिएको वलेवा आयुर्वेद औषधालय पैयुँपाटाका प्रमुख हरि पौडेलले जानकारी दिए । तालिममा परम्परागत परिकार र यसको महत्वका बारेमा सहभागी महिला तथा पुरुषहरुलाई जानकारी गराईएको थियो । 
तालिमको सहजीकरण गर्दै धौलागिरी आर्युुवेद अस्पतालका प्रमुख डा. शरद पन्थीले भान्सामा पाईने खानाका परिकारमै जडिबुटी पाईने र यसको महत्व बुझ्न जरुरी रहेको बताए । उनले उपवासको महत्व सम्बन्धी सहभागीलाई जानकारी गराएका थिए । ‘घरकै भान्सामा धेरै किसिमका जडिबुटी पाईन्छन यसलाई उचित सुदपयोग गरियो भने हाम्रो स्वास्थ्यलाई फाईदा पुग्छ डा. पन्थीले भने,—‘सवैलाई मिलाएर खानुपर्छ यसले हामीलाई नै फाईदा गर्छ, केही विरुद्ध आहार पनि छन जस्तै कटहर सँग मकै, माछा सँग दुध यसमा भने हामीले ध्यान दिनुर्पछ । 
तालिममा घरवरीपरी र भान्सामा के के जडिबुटी हुन्छन त्यसका महत्वका बारेमा जानकारी गराइएको थियो । 
तालिम उद्घाटन कार्यक्रममा बोल्दै बागलुङ नगरपालिकाका आर्थिक विकास समितिका संयोजक एवं वडा नं. १३ का वडा अध्यक्ष नारायण शर्मा पौडेलले तालिममा सहभागीले आफ्नै भान्सामा के के जडिबुटी पाईने रैछ त्यसको बारेमा जानकार लिएको बताए । उनले हामीले दैनिक उपभोग्य खाद्य वस्तुमा के के फाईदा छन त यसका बारेमा पनि सहभागीलाई थाहा भएको बताए । तालिमको सहजीकरण धौलागिरी आर्युवेद अस्पतालका प्रमुख डा. शरद पन्थी, डा. महेश अर्यालय, र औषधालयका प्रमुख हरि पौडेलले गरेका थिए भने कार्यक्रममा बागलुङ नगरपालिकाका निमित्त प्रमुख प्रशासकिय अधिकृत धनप्रसाद पोखरेलले तालिममा सिकेका कुराहरु आफ्नो भान्सामा प्रयोग गर्न सहभागीलाई आग्रह गरेका थिए । तालिममा तिन दिन सम्म छुट्टाछट्टुै टोलबाट १७३ जनाका सहभागीता रहेको थियो । तालिमले दैनिक भान्सामा खाना पकाउँदा के के बस्तुहरु हाम्रो शरिरका लागि औषधीकै रुपमा रहेछन भन्ने विषयमा जानकारी प्राप्त भएको वडास्तरीय महिला सञ्जालका अध्यक्ष लक्ष्मी खत्री बताउँछिन । 
तालिममा सहभागीलाई प्रणायम, व्यायम र योग अभ्यासका बारेमा समेत जानकारी गराईएको थियो ।