बागलुङ- तिहार नजिकिदै छ । असारमा रोपेको धानको बाला लहलहाउँदो भई काट्न ठिक्क परेको छ । केही किसानहरुले काटि सकेका छन केहीलाई धान काट्ने चटारो परेको छ । तिहार नजिकिँदै गए पनि किसानलाई भने बिहानैदेखि धान काट्ने र भित्राउने चटारोले छोएको छ । 
    केही दिनअघि आएको बेमौसमी हावा हुरी सहितको वर्षाले विभिन्न ठाउँमा खेतबारीमा लगाईएको अन्नबालीमा केही क्षती पनि पुराएको थियो । पाक्नै लागेको धानमा हावा र पानीले भुईमा ढलायो बर्ष भरी खाने अन्न किसानहरुले नोक्सानी बेहोर्नु¥यो । मौसमले साथ नदिए पनि अहिले किसानहरुलाई धान काट्नका लागि चटोरो रहेको छ । 
    यस वर्ष असारमा वर्षा राम्रै भएका कारण समयमा नै धान रोप्न भ्याएका किसानले राम्रो उत्पादन हुने आशमा रहेका थिए । तर बेमौसमी वर्षाका कारण सोचे अनुसार धान भित्राउन पाएनन । केही ठाउँको धानबालीमा क्षती पु¥याएको किसानहरु बताउँछन । 
‘काट्ने बेलाको धान ढल्यो । तर धेरै नोक्सानी भने धेरै हुन पाएको छैन, जिल्लाको बागलुङ नगरपालिका–१३ पैयुँपाटाका किसान यशोदा शर्माले भनिन्,– बेमौसमी वर्षाले ठुलो क्षती पु¥याउँछकी भन्ने चिन्ता थियो । धन्न हावाले ढलाएको धान पनि केही उठ्यो धेरै क्षती हुन पाएन । त्यस्तै १० प्रतिशत धानमा असर भएको होला नत्र राम्रै भएको छ ।’ 
उनले अहिले गाउँघरमा किसानहरु धान भित्राउने चटोरमा रहेको बताइन ।  ‘पहिले पहिले जस्तो खेतला पनि पाउन छाड्यो शर्माले थपिन, मौसमको भर हुँदैन अहिले हतार छ । तिहार नजिकिए पनि यसको रौनकता छोएको छैन ।’ जिल्लाको ग्रामिण भेगमा मुख्य तह गुढुरा, गौरिया, जेठोबुढो कालनाथ्रे । लुम्ले, माछापुच्छे र राधकमल जातका धान रोप्दै आएको पाईन्छ । यसका अवला स्थानिय जातका धानहरु पनि लगाउने पाईएको छ । 
कृषि ज्ञान केन्द्र बागलुङको तथ्याङ्क अनुसार जिल्लामा हाल सम्म १२ प्रतिशत धान भित्राएको र ३० प्रतिशत धान किसानहरुले कटानी गरिसकेका छन । जिल्लामा कुल ५ हजार ८ सय हेक्टर क्षेत्रफलमा धान खेती गरिएको थियो । अघिल्लो वर्ष भन्दा यस वर्ष केही मात्रामा उत्पादन बुद्धि हुने अनुमान गरिए पनि बेमौसमी वर्षाका कारण अपेक्षा गरिए अनुसार उत्पादन हुन नसकेको कृषि ज्ञान केन्द्र बागलुङका प्रमुख भानुभक्त भट्टराईले जानकारी दिए । ‘गत वर्ष भन्दा यस वर्ष असार यता मौसमले साथ दिएको थियो । उत्पादन राम्रो हुने अनुमान गरिएको थियो । कार्यालय प्रमुख भट्टराईले भने,– काट्ने बेला हुँदा बेमौसमी हावा हुरी र पानी आयो, धान ढल्यो झण्डै १५ प्रतिशत बृद्धि हुने अनुमान गरिए पनि वर्षा कारण त्यो हुन सकेन ।’ उनले हावा हुरीका कारण जिल्लामा ७० प्रतिशत धान ढलेपनि पछि पुन उठेको र १० प्रतिशत अर्थात ४ सय ६० हेक्टर क्षेत्रफलको धानबालीमा क्षती पुगेको बताए । भट्टराईले किसानहरुले धानबाली काटि नसकेका कारण ठुलो क्षती हुन बाट बचेको जानकारी दिए । पछिल्ला दिनहरुमा जिल्लाको गलकोट क्षेत्रमा २५ प्रतिशत, ग्वालीचौर क्षेत्रमा २५ प्रतिशत र बलेवा क्षेत्रमा २५ प्रतिशत धान किसानहरुले भकारीमा भित्राई सकेका छन । त्यसैगरी जैमिनी क्षेत्रमा भने भर्खर सुरु भएको कार्यालय प्रमुख भट्टराईले जानकारी दिए । 
अघिल्लो वर्ष जिल्लामा यस वर्ष भन्दा ५० हेक्टर कम क्षेत्रफलमा धान खेती गरिएको र १८ हजार ६ सय ९० मेट्रिकटन उत्पादन भएको थियो । जसमा ३ दशमलब २ प्रति हेक्टर धान उत्पादन भएको थियो । यस वर्ष झण्डै १५ प्रतिशतले बढ्ने अनुमान गरिए पनि बेमौसमी वर्षाका कारण अनुमान गरे जति उत्पादन नहुने कृषि ज्ञान केन्द्रले जनाएको छ  ।