बागलुङ- जिल्ला सकारी संघ बागलुङले भेटौं सदस्य अभियानका साथ ६८ औं राष्ट्रिय सहकारी दिवस मनाउने भएको छ । संघले आगमी चैत्र २० गते दिवसको मुख्य समारोह भएता पनि त्यस पूर्व विभिन्न कार्यक्रम सहित जिल्लाका सवै स्थानिय तहमा भेटौं सदस्य अभियान सहित विभिन्न सरोकारवाला सँग सहकारी सम्बन्धी कार्यक्रम संचालन गर्ने बताएको छ ।   संघले शुक्रबार पत्रकार सम्मेलन मार्फत दिवसका अवसरमा आयोजित कार्यक्रमका बारेमा जानकारी गराएको थियो । यस वर्ष मर्यादित सहकारी : समुन्नत समाज भन्ने मुल नाराका साथ मनाउन लागेको दिवसलाई थप प्रभावकारी बनाउने जिल्ला सहकारी संघ बागलुङका अध्यक्ष हुमा कुमारी जिसी अञ्जुले जानकारी दिईन । 
सहकारी क्षेत्रका समस्या समाधान गर्ने, सदस्य भेट्ने र मर्यादित सहकारी बनाउने लक्ष्यले जिल्ला सहकारी संघले अहिले देखिनै काम थालेको जिसीले बताईन । 

सहकारी दिवस मनाउने सन्दर्भमा बिहिबार भएको संचालक समितिको बैठक र विषयगत संघहरुको बैठकपछि दिवशका कार्यक्रमहरु तय भएका हुन् ।
दिवसको अवसरमा चैत १४ गते सहकारी रजिष्ट्रारको कार्यालयमा समीक्षा गरिने छ । त्यस बाहेक चैत १५ देखि १९ गतेसम्म जिल्लाका दशवटै पालिकामा पुगेर त्यहाँको अवस्था बुझ्ने, सहकारीका शेयर सदस्यहरुसँग छलफल गर्ने र हालको अवस्थाबारे अन्तरक्रिया गर्ने योजना बनेको अध्यक्ष जिसीले जानकारी दिईन । 
पछिल्लो समय जिल्लाका एक दुई सहकारीमा समस्या देखिए पनि अन्य सहकारीमा हाल सम्म कुनै समस्या नरहेको र पालिका तहमा पनि सहकारीको विषयमा छलफल गरिने सचिव तेजप्रसाद शर्माले बताए । दिवसका लागि १ हजार १ सदस्य रहेको  मुल समारोह समिति गठन भएको छ । दिवसको मुल समारोह चैत्र २० गते हुने छन । 
पत्रकार सम्मेलनमा उठेका जिज्ञाशाबारे सहकारी संघका पूर्व अध्यक्ष रामबहादुर जिसी समेत जानकारी गराएका थिए । उनले सहकारी क्षेत्रको विकासका निम्ती सवै शेयर सदस्यको उत्तिकै दायित्व हुने बताए ।